湯洛雯貼着唐老鴨T食雪糕相 馬明回應俾胡鴻鈞粉絲玩:兩隻匙羹一齊食啦!

2020-07-21 15:58
湯洛雯持續放閃,馬明回應完胡鴻鈞粉絲即時代偶像加把咀。
湯洛雯持續放閃,馬明回應完胡鴻鈞粉絲即時代偶像加把咀。

湯洛雯着咗男友馬國明至愛嘅卡通人物唐老鴨T後,被講足幾日,不過佢似乎用呢個方法放閃亦樂此不疲,今日繼續放呢輯相嘅食雪糕版,仲寫住:「唔知幾時先可以再出去食雪糕呢?#而家先見到隻豬仔流鼻血#positivevibes#thingswillgetbetter#staysafe#因為冇出過街嘅關係所以都係post同一輯相請見諒」而馬明好識做即時回應,畀咗兩個為食樣嘅emoji,不過今次網友冇再咬住「唐老鴨」唔放,反而將重點放咗喺杯雪糕點解會有兩隻匙羹度,首先回應馬明嘅係老友胡鴻鈞嘅粉絲:「兩隻匙羹一齊食啦!」跟住有網友話:「你睇吓店員好貼心地俾咗兩隻匙羹啦」、「做咩會有兩隻羹㗎 一隻咪夠囉你地兩個用同一隻咪得囉」睇嚟靚湯同馬明呢對,網友仲有排玩!

湯洛雯持續放閃,馬明回應完胡鴻鈞粉絲即時代偶像加把咀。
湯洛雯持續放閃,馬明回應完胡鴻鈞粉絲即時代偶像加把咀。
不過,網友唔再留意件T,反而關心杯雪糕有兩隻匙羹。
不過,網友唔再留意件T,反而關心杯雪糕有兩隻匙羹。

靚湯同馬明呢一對,相當受外界歡迎。
靚湯同馬明呢一對,相當受外界歡迎。
靚湯呢輯唐老鴨T相貼過多張,每次都引起網友話題。
靚湯呢輯唐老鴨T相貼過多張,每次都引起網友話題。

關鍵字

最新回應

關鍵字

相關新聞

熱門文章