【娛樂圈群組】預料住院兩星期「排毒」　劉少君籲小心防疫：唔係下個就係你

「娛樂圈群組」再添一人確診，在麥德羅病毒潛伏期內，跟他一齊游水及唱歌的緊密接觸者劉少君，昨日Call白車到伊利沙伯醫院檢驗後，證實確診新冠肺炎。今晨，他終於獲安排入住隔離病房並見醫生，隨後他拍片向大家交代病況，見戴上口罩和眼鏡的劉少君精神尚算不錯，他說：「醫生解釋咗成個病毒係咩原因（感染）、點樣醫治，咁就一步步嚟囉，應該好快就搞掂，但我都想詳細了解多啲，大概要一至兩個星期啦，咁就可以將身體裏面嘅毒素排出體外。」

劉少君自言現時未覺身體太不適，沒有發燒亦沒有痾嘔，只是間中坐起身會咳好耐，瞓喺度就較舒服，他續道：「昨晚最辛苦，因為搞咗成晚，但唔緊要，都有瞓3、4個鐘，而家都好精神。最緊要忠告俾所有朋友聽，呢隻病毒係好容易感染到，真係要戴口罩、清潔衛生要做足，如果唔係下個就係你哋㗎喇！」