汤洛雯贴着唐老鸭T食雪糕相 马明回应俾胡鸿钧粉丝玩：两只匙羹一齐食啦！

汤洛雯着咗男友马国明至爱嘅卡通人物唐老鸭T后，被讲足几日，不过佢似乎用呢个方法放闪亦乐此不疲，今日继续放呢辑相嘅食雪糕版，仲写住：「唔知几时先可以再出去食雪糕呢？#而家先见到只猪仔流鼻血#positivevibes#thingswillgetbetter#staysafe#因为冇出过街嘅关系所以都系post同一辑相请见谅」而马明好识做即时回应，畀咗两个为食样嘅emoji，不过今次网友冇再咬住「唐老鸭」唔放，反而将重点放咗喺杯雪糕点解会有两只匙羹度，首先回应马明嘅系老友胡鸿钧嘅粉丝：「两只匙羹一齐食啦！」跟住有网友话：「你睇吓店员好贴心地俾咗两只匙羹啦」、「做咩会有两只羹㗎 一只咪够罗你地两个用同一只咪得罗」睇嚟靓汤同马明呢对，网友仲有排玩！