星島日報

為《地產仔》紥胸扮「地產界姜濤」 廖子妤每晚拍醒沉睡的胸部

2020-06-23 19:26
《地產仔》由一班年青演員孭飛拍攝。
《地產仔》由一班年青演員孭飛拍攝。

廖子妤(Fish)、陳穎欣(Yanny)、吳肇軒、胡子彤及MIRROR成員邱士縉(Stanley)等今日出席ViuTV新劇《地產仔》的宣傳活動。廖子妤以西裝look現身,自稱是「地產界姜濤」的她在劇中風靡萬千少女,更為此束胸上陣。她笑說:「就算幾細都好,都有啲嘅,起初紮到唞唔到氣,習慣咗就有安全感,幫助到進入角色。」問到怕唔怕愈紥愈細?Fish笑言,「我有特別照顧『佢哋』,每晚會拍一百幾十吓,拍返醒『佢哋』,驚『佢哋』一去不返。」

《地產仔》由一班年青演員孭飛拍攝。
《地產仔》由一班年青演員孭飛拍攝。
子妤表示唔怕個胸愈紥愈細。
子妤表示唔怕個胸愈紥愈細。

談到《地產仔》與無綫的《殺手》對撼?Fish希望電視業百花齊放,最緊要觀眾有選擇;Yanny則對《地產仔》有信心,認為題材貼地兼搞笑。吳肇軒直言兩個平台各有捧場客,自己對《地產仔》有信心,最希望吸引大家「回流」睇電視。Stanley認為題材不同,《地產仔》較貼地;《殺手》則較型;胡子彤則希望更多觀眾留意年輕演員,笑問他們的優勢是否較《殺手》年輕一倍?他笑言冇一倍,只是後生少少。吳肇軒表示《地產仔》拍到似《古惑仔》或災難片,打交一場更要吊威吔;Stanley則笑指此劇應是史上最多爆屎渠的劇集,軒仔即笑稱劇集適合飯後睇因為可以清腸胃;胡子彤亦指此劇絕對能挑戰電視尺度極限。

吳肇軒笑稱劇集適合飯後睇因為可以清腸胃。
吳肇軒笑稱劇集適合飯後睇因為可以清腸胃。
胡子彤希望觀眾可以留意多啲年輕演員。
胡子彤希望觀眾可以留意多啲年輕演員。

Stanley笑指《地產仔》應是史上最多爆屎渠的劇集。
Stanley笑指《地產仔》應是史上最多爆屎渠的劇集。

最新回應

關鍵字

相關新聞

熱門文章