首獲雷頌德送歌作生日禮物　黎明： 呢份禮物對我嚟講好特別

黎明（Leon）昨日喺社交網宣傳新歌《顧家》，並找來填詞的黃偉文（Wyman）分享過往合作的趣事，以及監製雷頌德（Mark）講述新歌的主題。今日Leon再度分享新歌的起源，原來此曲是Mark去年送給他的生日禮物，Mark說：「差不多12月11日，我Email首歌畀佢，呢個係你生日禮物。」黎明亦多謝對方送這首歌給他，以往Mark也送過不同禮物，但送歌曲是第一次，他說：「佢喺英國陪小孩讀書，呢份禮物對我嚟講好特別，亦可以將呢份禮物分享俾所有朋友。」最後Mark搞笑地暗示老友課水，他說：「我寫嗰個心情，呢份生日禮物就係送俾你嘅，但個製作唔係送俾Amusic，係公數嚟㗎嘛，咁辛苦工作都係想供書教學啫，係咪？」Leon聽罷即隔空比個OK手勢，相當搞笑。