【爭食小鮮肉】吳肇軒自認太好味 朱鑑然晒蚊叮紅腫「豬蹄」

2020-05-16 11:30
影壇小鮮肉朱鑑然、胡子彤、吳肇軒和林家熙日前相約去沙灘露營。
影壇小鮮肉朱鑑然、胡子彤、吳肇軒和林家熙日前相約去沙灘露營。

近月受疫情影響,大部分電影拍攝工作都煞停,4位影壇小鮮肉朱鑑然、胡子彤、吳肇軒和林家熙趁未使開工,早前約埋一齊去行山執垃圾,非常有意義。昨日,眾人則於Instagram(Ig)出Po透露去了沙灘露營,朱鑑然和林家熙更自爆是人生第一次,而相中,看到他們又玩水又搭帳篷,4子夜晚仲圍住個火傾心事,真係好「Bromantic」!不過,事後朱鑑然苦呻好多蚊,還晒出畀蚊針到變「豬蹄」的小腿,他寫道:「第一次的露營。很感恩能跟你們一起經歷,一起畀蚊咬,一起畀海浪聲搞到完全無得瞓,一起早上游泳。請注意:香港是不適宜夏天露營的,現在我知道了。#camping #outdoors #咖啡要加奶 #結界 #吳肇氈 #營火」吳肇軒亦搞笑留言:「右腳16粒,左腳唔想數,我哋太好味。」未知他是在數自己的「戰績」,抑或咁得閒幫朱鑑然數呢?

影壇小鮮肉朱鑑然、胡子彤、吳肇軒和林家熙日前相約去沙灘露營。
影壇小鮮肉朱鑑然、胡子彤、吳肇軒和林家熙日前相約去沙灘露營。
朱鑑然好努力挖沙,應該係準備搭帳篷。
朱鑑然好努力挖沙,應該係準備搭帳篷。

同樣獻出了「第一次」的林家熙也有感而發,他說:「有幾樣嘢特別想講!就係好多蚊!我喺營入面望住個蚊帳已經有超過20隻想強攻入嚟!同埋原來聽住海浪聲瞓,都真係幾大聲!同埋起身見到要執嘢嗰一刻,個人會有半個鐘至一個鐘function唔到!多謝。」有網友就留言:「好快會去第二次。」不過林家熙好決絕地回覆:「唔會。」並謂就算有下次,睇怕都要等天氣轉冷先再露營。

赤膊的朱鑑然認真做事,好Man呀!
赤膊的朱鑑然認真做事,好Man呀!
(左起)吳肇軒、林家熙、胡子彤和朱鑑然晚上圍住營火吹水,真有Feel。
(左起)吳肇軒、林家熙、胡子彤和朱鑑然晚上圍住營火吹水,真有Feel。

朱鑑然一早起身又落水玩,睇吓佢幾開心?!
朱鑑然一早起身又落水玩,睇吓佢幾開心?!
但事實上,4子畀蚊針咗成晚,林家熙話蚊帳外有超過20隻想強攻入嚟!
但事實上,4子畀蚊針咗成晚,林家熙話蚊帳外有超過20隻想強攻入嚟!
朱鑑然晒出蚊咬「戰績」,真係睇見都覺得痕。
朱鑑然晒出蚊咬「戰績」,真係睇見都覺得痕。
畀蚊咬又畀浪聲嘈到瞓唔到的林家熙,在鏡頭前仍專業地保持燦爛笑容!
畀蚊咬又畀浪聲嘈到瞓唔到的林家熙,在鏡頭前仍專業地保持燦爛笑容!
4子早前去了行山執垃圾。
4子早前去了行山執垃圾。
關鍵字

最新回應

關鍵字

相關新聞

熱門文章