賀容祖兒四十歲生日嬌Sa合體送驚喜

2020-06-16 20:05

今日係容祖兒踏入四字頭(40)歲生日，經理人霍汶希（Mani）與阿Sa(蔡卓妍)及月前爆出已分居嘅鍾欣潼（阿嬌）夾計為壽星女炮製驚喜，實行「龍虎豹」合體玩個夠。Mani上載「龍虎豹」合照到網上，照片中的回復單身嘅阿嬌消瘦不少，但就精神奕奕。

阿Sa花盡心思，以祖兒幾個月前畫的貓、狗和公仔，訂造成蛋糕送給祖兒，搞到祖兒冧爆留言：「蔡卓妍係傻㗎！咁都畀佢諗到呢一個蛋糕！話說我只係有一晚懶得意同佢分享我畫嘅動物，幾個月後連我都唔記得咗有呢一幕，佢竟然將一隻隻變成立體，仲加多個有底裙嘅pretty sexy，𠵱家佢哋好似扭蛋公仔咁得意嘅動物喺我面前出現，好開心好開心，邊有咁有心思嘅人㗎！」

霍汶希就留言：「容祖祖，你真係太幸福了，由驚喜派對到生日蛋糕，佢地兩個絞盡腦汁，就係為咗準備最好嘅畀你，見到你地姊妹情深，老母真係好欣慰 #老母愛你！」