【七友減肥大法】抗疫暴肥至155磅 梁漢文急Call高人救命

因為Stay Home抗疫，加上健身室又Close，連球場都封埋，好多人都肥晒。今年十月尾開紅館Show嘅梁漢文都叫晒救命，「我好大鑊肥咗好多。」115磅嘅佢即急Call高人救命，高人包括小齊、Sammi、林敏驄、謝霆、李克勤、張繼聰、容祖兒同蔡一傑。

究竟以上高人有何減肥高見?小齊話白烚蕃薯；Sammi就強調飲七日菜湯成個人就會縮咗水；林敏驄就答得好快:「食蚊，食烏蠅啦。」Edmond一聽笑到變咗樣。

而李克勤就話直頭唔食；霆鋒好認咁答:「食75%以上黑朱古力。」輪到容祖兒，佢話:「我唔知可唔可以幫到你，(得嘅)我好騎喱。」

另外張繼聰同蔡一傑就講出一般人對減肥嘅誤解，前者話:「好多人以為唔食飯可以減肥，其實唔得嘅。」後者表示:「梗係要隊一碟飯啦，我過嚟煮畀你食都得。」

想知高人嘅減肥大法詳細版，就要留意梁漢文嘅YouTube頻道嘞。