【物輕情義重】提前送畫作畀媽咪蔡卓妍被封「畢加Sa」

2020-05-07 21:02

蔡卓妍（阿Sa）係孝順女，她與媽媽是餅印母女，兩人情如姊妹，就算有幾忙都會常聯絡，周日係母親節大日子，今年阿Sa就送愛心畫作畀媽咪，畫作大功告成後，今日仲急不及待喺IG大晒作品，留言：「今年送畀媽咪嘅母親節禮物，物輕情義重，花。」睇落阿Sa又真係畫得唔錯，代表住理想的愛嘅粉紅色山茶花，花朵畫得非常細緻，兼且好有層次感。鄭秀文即話Nice，大讚好靚哦！有人喚她做「畢加Sa」，留言：「你媽咪實鍾意。」

之前阿Sa因為從馬來西亞返港要家居隔離14日，阿Sa就選擇畫畫陶冶性情，打發時間，之前畫咗幅喺畫作，係希臘旅行時喺酒店望出窗外嘅景色，吳彥祖、吳千語、張繼聰等都大讚阿Sa畫功出色，原來她好多才多藝㗎，大家係咪失覺咗呢？