【睇褲頭做人】晒自家製梅酒禮物李司棋唔敢放縱飲食

2020-05-05 10:30

化身「IG達人」嘅李司棋，喺社交平台上經常有update，分享生活點滴，包括帶住太陽眼鏡喺家中小花園，嘆住自家製嘅冰凍梅酒，悠然自得嘅抗疫生活。見司棋姐身邊放咗兩瓶日本南高梅及宫崎青梅梅酒，一臉滿足，她笑說：「兩瓶梅酒唔係我整嘅，係個好有心，跟咗我10幾年嘅『妹妹』整畀我做母親節禮物，佢去日本買咗啲梅，浸咗一年㗎啦，我有淺嚐過，梅酒真係好香，佢咁乖咁送酒畀我，我梗係要去演吓嘢啦。哈！因為浸多一年會更加出味，所以決定放多年先飲，暫時唔捨得飲佢住。」

司棋姐又話，呢段時間喺屋企飲飲食食，但到咁上下年紀，唔可以太放縱，要睇住條褲頭做人：「我要減肥啦，唔可以飲咁多酒啦！」