【全部香口嘢】十月尾紅館開Show 梁漢文食立雜嘢慶祝
2020-04-28 17:38 
梁漢文(Edmond)今日喺fb興奮宣佈十月尾將會舉行人生第五次紅館演唱會。Edmond坦言，「大家都會問一個問題，真係咁有信心十月可以完咗個疫情？唔單止我有信心，公司有信心，公司對我都好有信心。唔可以畀個疫情打到停頓晒，我哋一定向前行，抱住一個樂觀積極態度，去面對我哋大家嘅將來。」
Edmond正能量滿瀉，「我好有信心，十月大家一定可以回到正軌，希望到時可以同大家分享一個好精彩嘅演唱會，而家我哋慢慢開會，構思個show用咩去包裝，始終全世界一齊經歷過影響咁嚴重嘅疫情，另一方面會做啲新歌，我好長時間無做過新歌嘞。」
為咗慶祝，一向鍾意「掃街」嘅Edmond決定食爆佢，食爆乜嘢?就係佢超鍾意食嘅香口嘢，例如炸雞皮、生腸、墨魚同終生最愛的炸雞髀。
關鍵字
最新回應