星島日報

做KOL試食母親節蛋糕 周汶錡兒子獲讚Handsome Boy

2020-05-08 11:00
四歲Jacques及三歲Avner好靚仔呀!為食Avner急不及等試食先。
四歲Jacques及三歲Avner好靚仔呀!為食Avner急不及等試食先。

母親節將至,「索媽」周汶錡(Kathy)昨日收到紐約人氣餅店送上嘅母親節限時甜點,紅桑子玫瑰蛋糕及士多啤梨朱古力禮物,Kathy即興奮喺IG放相,並交由兩位混血囝囝Jacques和Avner試食,但周汶錡兩公婆就未有現身。

 

呢個紅色鏡面蛋糕以紅桑子及食用玫瑰花花瓣點綴,賣相唔錯,內層係雲呢嗱朱古力醬包住蜜糖海綿蛋糕,配上紅桑子玫瑰啫喱夾心及開心果餅底,慣咗做KOL嘅大仔Jacques捧住蛋糕笑晒口;細仔Avner唔理咁多,一於食咗先講,網民除咗祝Kathy母親節快樂外,留言大讚個蛋糕同萌B一樣咁甜,話兩個小朋友大得好快,但依然Handsome同可愛。

 

作為兩子之母嘅Kathy相當偉大,今年3月法籍老公Julien Lepeu難忍七年之癢,背妻「偷食」,Kathy勞氣完都為咗小朋友原諒咗老公,還公開拆彈話:「我倆仍然相信『愛』能改善彼此關係,也是化解問題的源頭力量!日後我們仍然會努力,為孩子,為家庭,為對方,互相珍惜,一起進步!」

四歲Jacques及三歲Avner好靚仔呀!為食Avner急不及等試食先。
四歲Jacques及三歲Avner好靚仔呀!為食Avner急不及等試食先。
風雨過後,唔知今年一家四口可會歡度母親節呢?
風雨過後,唔知今年一家四口可會歡度母親節呢?

周汶錡由索模變身索媽。
周汶錡由索模變身索媽。
Kathy為咗家庭原諒偷食老公Julien。
Kathy為咗家庭原諒偷食老公Julien。

周汶錡率先收到母親節禮物。
周汶錡率先收到母親節禮物。

最新回應

關鍵字

相關新聞

熱門文章