法籍老公背妻啜外籍女　周汶錡躁爆：唔好問我

現年45歲的周汶錡（Kathy）與法籍丈夫Julien Lepeu於2012年結婚，育有一對混血兒子Jacques及Avner。升呢人母後，Kathy不時於社交網大晒一家四口溫馨照，家庭生活幸福美滿，而近日呢位索媽似乎去咗放大假，剛過去的周日（8日），她趁三八婦女節就貼出一張三點式沙灘照，並寫道：「Happy women’s day to all of you! #三八婦女節 #媽媽放假 #爸爸湊仔」相中，身處外地的Kathy看來都玩得好開心，殊不知今日有報道爆料，指Julien日前竟背妻偷食外籍女，兩人更被拍得於深水灣的露天茶座又攬又啜！對此，Kathy躁爆回覆傳媒：「唔好問我！」當被問到老公與外籍女不只一次一齊外出？有否任何回應？她卻避談：「係咪呀？冇回應呀，Bye bye！」