母親節留家食飯 薛家燕等睇與子女同台獻唱

薛家燕與陳倩揚出席防疫物資移交活動，家燕姐表示之前細女到泰北做義工，知道當地很多華人學校設備簡陋，但香港發生疫情，當地自發購防疫物資運來港，可惜被泰國海關扣留，之後再逐少寄來香港，趁著母親節，將這批物資送給匡智會的小朋友及其母親很有意義。
問放寬限聚令後母親節會否出街食飯慶祝？家燕姐笑稱齊人也要分三圍枱，今年會留在家中食飯，因母親節當晚播出的《流行經典50年》節目，她將與兒子及細女同台獻唱。問她想收甚麼禮物？她稱面對疫情感受親情好溫暖，兒子及新抱煮飯給她吃，還一齊煲劇及跳抗疫十字步舞，很享受家庭關係；至於家燕媽媽藝術中心將於月底復課。

陳倩揚表示母親節會約埋父母及細佬一家團聚，最近因疫情減少聚會，雖然只透過視像通話聯絡，但與家人關係更密切，小朋友亦好珍惜返學，稍後將會復課，相信經過這幾個月，小朋友對防疫意識有一定基礎。