宣傳新歌《敢》騙稱背紋「孝順父母」　李幸倪整蠱爸爸爆笑連場

李幸倪（Gin）近日推出年度首支派台歌《敢》，為配合歌曲主題，Gin先後接受多個挑戰，日前更獻出人生第一次，透過視像通話整蠱遠在馬來西亞的爸爸，欺騙對方自己為了宣傳新歌，偷偷在手腕上紋身。孝順女Gin事前緊張滴汗，與父親感情要好的她，還斷言對方絕對不會相信，「從未試過呃爸爸，我覺得佢會笑囉，好緊張啊！」

咖啡紋身冧李爸爸
接通電話後，Gin按照原定計劃，向爸爸透露近日忙於為《敢》宣傳，並接受了一連串考驗，她小心翼翼地向父親道歉，「打嚟想同你講唔好意思，因為我冇事先同你講，希望你唔好嬲，我去咗紋身。」李爸爸聞言即謂：「吓？你係咪傻咗？」Gin更即場爆肚，指自己在背上紋了「孝順父母」，氹得李爸爸笑到見牙唔見眼，還反問她何不紋上「精忠報國」，爆笑全場。後來Gin向爸爸騷出手腕內側的咖啡杯印水紙，冧爆表示深知對方愛喝咖啡，因此刺上圖案，見啡如見人；還說自己紋上癮，打算再添爵士鼓刺青，嚇得李爸爸出言勸阻：「一開始一定係細細個圖案，以後就會愈來愈多，你唔好啊！你想紋身，一係你生日我送一個畀你，電飯煲？雪櫃？吸塵機？」

心繫家人視像取暖
面對幽默的李爸爸，Gin難忍笑意，最終向爸爸「自首」，坦言只是玩笑一場，不過她卻做了更驚人的事情，就是幫人紋身，令李爸爸不禁爆笑，「邊個咁陰公啊！哈哈！」Gin還說未來會增進技術，希望親自為父親刺青，李爸爸卻毫不領情，「唔好搞我啊！你紋媽咪啦！我冇咁嘅勇氣，你敢紋，我唔敢畀你紋啊！」

整蠱計劃完美告終，Gin笑言是意料之外，同時透露思鄉情切，「以往一有時間就會飛返去，或者每一年呢個時間，佢哋都會過嚟，但係受疫情影響，佢哋𠵱家都唔出得街，我又唔可以返去，所以好多時都會透過視像通話，仲會隔住熒幕一齊食飯、一齊飲杯，感覺屋企人喺身邊。」