樂●活｜金秋滋味

 

順應時節，不時不食，可以話係搵食嘅必殺技，一連食咗兩餐甚為回味嘅中菜，同大家分享一下。

進入金秋，其中一款時令食材係來自恐龍同時代嘅神奇小魚——跳跳魚。莆田餐廳新推出咗一系列跳跳魚菜式，包括跳跳魚撞豆腐湯、軟煎紅燒跳跳魚、香酥椒鹽跳跳魚。跳跳魚，學名彈塗魚，來自3億年前，跟恐龍同時代歷史一樣久遠，也有人稱佢為花跳魚、泥猴。莆田跳跳魚嘅故鄉係福建東北部的霞浦縣，這裡有「中國最美灘塗」，海岸線超過500公里，位於福建省首位，有「八閩海鮮出霞浦」嘅美譽。

跳跳魚輕易隱匿喺灘塗裏，身上分布着淡藍色花斑，好似係鑲滿小藍鑽。跳跳魚嘅蛋白質及營養成分特別豐富，被稱作「海上人參」，尤其到咗秋冬季節，跳跳魚更為肥美無腥味，故又有「冬天跳魚賽河鰻」嘅說法。跳跳魚撞豆腐湯選用莆田傳統嘅鹽鹵豆腐，氣孔細密正好如海綿一般吸飽湯水，喝跳跳魚撞豆腐湯記得三大動作——吃魚、喝湯、撈豆腐，既營養又鮮甜。鍾意食濃味嘅，可以試試軟煎紅燒跳跳魚，一道福建漁民嘅地道燒法。熱油先煎，讓每一條魚肉都入味，每口鮮嫩。香酥椒鹽跳跳魚嘅魚皮金黃魚肉白嫩，外酥裡嫩，最啱下酒，供應期至11月30日。

另外，最近仲去咗翠園食咗一道以鮮松本茸生煎雞，十分難忘。翠園主廚團隊特意採用日本珍稀嘅「菌中王」——松本茸，菇香濃郁，口感如鮑魚，極潤爽口，配搭鮮嫩多汁嘅去骨新鮮雞髀肉，用乾煎方式帶出香氣，皮脆肉滑，味道甘香，吃起來更有層次感，更用上鐵板為盛載器皿，鐵板滋滋作響，放上松本茸香氣四溢，色香味俱全。

另一道金絲芙蓉咖哩蟹，嚴選約16至18両嘅肉蟹，肉質鮮甜，彈牙厚實，加上香濃甜滑嘅椰汁咖喱混合蛋液，蘊含香、濃、鮮三種滋味。咖哩蟹更可搭配炸饅頭一齊食，熱辣辣嘅炸饅頭外脆內軟，配上濃郁香醇嘅咖哩。

仲有，以順德菜大良炒鮮奶為靈感嘅海星斑炒3.6牛乳，主廚先將新鮮海魚起肉去骨，再特意加入奶味較濃香，與魚味更夾嘅北海道3.6

牛乳，令魚肉入口鮮甜嫩滑，奶味濃郁。

作者：Laurie Wu（愛保健愛旅遊愛購物的熟女）

[email protected]