青談｜一件底衫，四代傳承

炎夏的香港，對凡夫俗子來說，真係未必人人頂得順，外出除了夏日必備手提風扇，純綿底衫更不可少，一個人最緊要係除咗守住自己的底綫和底褲，仲要有件底衫，何解？小時候老人家話，冇件底衫嗦汗，好容易「外感傳里」，大熱天時汗流浹背，汗水被皮膚吸回，尤其出入冷氣地方，好易弄壞身子。個人認為，禮貌更加係着底衫的最重要出發點之一，見過冇衫打底大汗淋漓一對「血滴子」若隱若現的白恤衫男嗎？堪稱夏日奇景，返中環的肯定見過不少。

香港震歐線衫廠有限公司出品，其中看似毛筆書法的「震歐線衫廠」題字，原來出自嶺南派畫派名家趙少昂手筆，小時候從電視廣告認識耳熟能詳的香港品牌，原來創建於上世紀三十年代二戰前，至今已有近百年歷史。震歐早年多生產大眾化平民綫衫，並以多品牌策略吸客，產品以本地銷售及出口東南亞為主，廠房於戰後把織布、漂染、車衣、包裝、批發、分派門市等工序一體化，一九五三年，震歐推出雞仔嘜，三鈕扣平民綫衫成為當年潮流男裝。第三代傳人與時並進，引入可機洗而防縮防蛀的羊毛內衣，並發展女裝和童裝，生意愈做愈大， 千禧年，品牌與產品種類一路革新，從羊毛保暖內衣發展各款內衣系列及時尚休閒服，塑造雞仔嘜家庭品牌形象。

今個夏天，適逢「雞仔嘜」慶祝創立七十周年，品牌第四代傳人打破傳統走進社區，把太平山街咖啡店stain+打造成首個「重新發現雞仔嘜」展覽館，兼以工作坊及互動裝置向大家展示香港老字號品牌故事，通過咖啡香，提升大家對可持續發展的環保理念。 展覽館下層設置物料展示牆，介紹物料來源、特色、製作過程及冷知識，觀眾可參加製衣工作坊Making of Cotton Tee，親身感受和了解雞仔嘜的製衣理念與堅持，體驗一件耐穿又舒適的純棉衫的誕生，學習實踐「Buy Less, Buy Better」目標；在上層留言板寫下感想，在集體回憶牆上打卡留念。

展覽日期至七月底，在上環太平山街2至4號太昌樓地下A號鋪stain+，逢星期一休息。

胡孟青

 

青談