樂●活｜在家自煮植物肉盛宴

疫情後多咗時間喺屋企自己煮嘢食，但又諗唔到煮咩好，或者唔想時間慢慢搞……之前有公關朋友送咗 Impossible居家抗疫包畀Laurie，結果試完之後忍唔住再入手，買咗唔同款式嘅自煮包放定喺雪櫃以備不時之需。

一系列 Impossible自煮包除咗味道好之外，最吸引係只要加熱或者簡單煮一煮就食得，又方便滋味！Laurie對Impossible梅菜蒸豬肉餅同埋紹菜豬肉餃子情有獨鍾，前者最啱送飯，入口滑嫩，加上甜甜嘅梅菜，除咗蒸之外，鍾意香口啲的話，仲可以用嚟變身梅菜蒸肉餅，夠晒惹味。至於紹菜豬肉餃子就更加多變化，蒸、放湯煮、煎，甚至氣炸都可以，推介大家多買幾包放喺屋企！提起氣炸，相信大家都會入定唔少貨，以備隨時可以氣炸，建議大家仲可以入手埋脆炸腐皮卷、越式春卷，包大家一試愛上！

除咗植物肉自煮包，仲入手咗幾包Impossible植物牛肉放喺雪櫃，暫時試咗用嚟喺早餐嘅時候自製蛋「牛」治、「牛肉」漢堡都好正，另外仲試過加埋Impossible肉末XO醬炒飯，真係夠晒方便又好味！

鍾情食西餐的話，推介大家可以用Impossible 植物牛肉加番茄醬，簡簡單單就可以煮到色香味俱全嘅肉醬意粉，再配埋羅勒蕃茄肉丸自煮包，一餐豐富嘅西餐就話咁易完成。

仲有一定要推介比大家嘅Impossible 肉末XO醬，除咗炒麵、炒飯調味，仲可以用嚟炒餸都一樣咁好味，而Laurie就鍾意用佢嚟炒腸粉，簡單好味香噴噴！

使用Impossible植物豬肉同牛肉製作嘅嘅自煮包，可以喺網上餸菜包購物平台Fresh To Go同指定百佳分店可以買到，簡單簡單用營養豐富嘅植物肉喺屋企自己煮，唔單止味道媲美動物肉類，口感亦一樣豐富，對健康同地球環境都好。

 

作者：Laurie Wu（愛保健愛旅遊愛購物的熟女）

[email protected]