樂●活｜五款筷子提升食尚體驗

之前睇咗一篇文章，先知原來送筷子畀唔同嘅人有唔同嘅寓意，而且係一個很古老嘅節日風俗。其中送畀結婚嘅新人，寓意筷子筷子，快生貴子；送畀另一半就有雙宿雙棲同甘共苦，永不分離嘅寓意；送畀小朋友就有「筷」長「筷」長，快樂成長嘅意思……如果送十雙筷子，就更加有十全十美嘅意思。

最近專門售賣各地職人成品嘅Haustage就引入咗日本已有逾百年歷史嘅筷子品牌Hashitou。Hashitou筷子主要在擁有400 年製作漆筷的傳統福井縣及· 日本木材木製品著名產區日本長野木曾製作，有逾400款專業級料理人專用筷子，大部分以日本國產嘅杉木、檜木等木材為主材料，造出各式多變，材質與觸感獨特的木、漆筷子，並以致力推動日本森林可持續發展為己任。

而家HAUSTAGE K11店已經可以買到Hashitou嘅筷子，仲帶來以洋食為基礎而製、HAUSTAGE限定嘅8410一套五件筷子，其中一對更為西式甜品而設，目標是探索筷子作為一種餐具，不僅可以用於日本/中國食物，還可以了解它如何適用於其他美食。

之前Laurie就參加咗一個活動，HAUSTAGE K11邀請咗「幸・匠燒」悉心設計「日式洋食一人前」，示範Hashitou 8410 嘅5款筷子搭配五類料理嘅效果，以感受筷子的觸感。

・開胃小菜 – 示範菜柚子帶子薄片沙律

長度為25cm，稍長於日本一般筷子嘅22.5cm，與用於冷盤的叉子長度相同，用於開胃菜，如切得很薄的蔬菜沙拉、海鮮生牛肉片等。

・海鮮或魚– 示範菜炭燒原隻日本廣島蠔

長26cm比正常長3.5cm，上方及下方呈長方形，扁平嘅長方形尖端更容易夾住海鮮或魚片。用上長野產嘅杉木製成，但沒有塗層，以散發出自然感覺，在搭配不同海鮮或魚糞有淡淡揮之不去嘅杉木香味。

・肉類– 示範菜炭燒和牛小排

由長野縣的杉木製成，塗有長野縣木曾的漆，五角形比普通筷子粗，方便夾肉，杉木材質，重量較輕，並以深色漆皮顏色搭配特意為肉類以設

・蕎麥麵/細麵條/意大利面– 示範菜北海道豆乳雞湯原隻白蜆稻庭烏冬

24cm長，頂部呈方形，圓而細的莖，由Malas 馬拉斯木製成，並塗有天然蜂蠟塗層，因馬拉斯木木耐用、耐彎曲及堅硬，適合麵食。

・甜點– 示範菜 京都綠茶卷

這款筷子是用來吃甜點時用，易於切開甜點，由Malas 馬拉斯木製成，並塗有天然蜂蠟塗層馬拉斯木經久耐用及耐彎曲，堅硬。一根筷子呈三角形，另一根是方形，握緊時，底部筷子應為正方形，頂部筷子應為三角形。頂部用於切割，底部用於支撐。

除咗喺HAUSTAGE K11 ART MALL店搵到，仲可以喺HAUSTAGE網店買到，抗疫在家，一樣可以精美嘅食器讓美食體驗昇華。 

 

作者：Laurie Wu（愛保健愛旅遊愛購物的熟女）
[email protected]