樂●活｜酒店戶外歎正宗拿坡里薄餅

早幾日跟一位鍾意周圍試新式店嘅朋友去咗首間酒店戶外意式薄餅餐廳，唔單止好食，而且環境仲好寫意舒服！呢間位於香港美利酒店內嘅Cotton Tree Terrace，坐擁露天開揚嘅寛敞空間，係城中首家酒店戶外意式薄餅餐廳。Cotton Tree Pizzeria 薄餅店以酒店標誌性的拱門作襯托，周圍環繞着青蔥樹景，可以一邊悠閒地享受陽光與新鮮空氣，一邊品嘗意大利地道風味美食。

Cotton Tree Pizzeria嘅薄餅選擇好多，由經典口味至獨特趣意的食材配搭都有，而且每份即製嘅薄餅d經意大利烤爐新鮮出爐，帶來批邊充滿空氣感，焗至酥脆帶焦香，餅皮中心薄而柔軟嘅正宗拿坡里風格薄餅。至於薄餅餡料係用上多款頂級食材，而且大部分都係由意大利新鮮空運到港，配搭番茄醬、水牛芝士（Mozzarella）及巴馬臣芝士（Parmigiano）等經典配料。

當日因為得兩個人，所以就選擇咗薄餅發源地拿坡里城嘅招牌 Napolitana，用咗來自地中海以鮮美多肉聞名嘅鯷魚、塔賈斯卡（Taggiasca）橄欖、奧勒岡及橄欖油製成，當中嘅番茄醬中和了鹹香味濃的鯷魚，帶來美妙的平衡。

其中Menu上有幾款Pizza都好想試，好似 Mallorca ，即在薄餅塗上西班牙巴利阿里群島特產嘅Sobrasada豬肉香腸醬，以紅椒粉及多款香料醃製而成，配搭山羊芝士及火箭菜，香口而惹味。仲有用上正宗意大利新鮮豬肉香腸和油脂豐富嘅風乾豬面頰肉（Guanciale）作配料，並以迷迭香作點綴嘅Salsiccia。菜單上仲有唔少經典意式薄餅口味，包括簡單美味的 Margherita、Parma、Quattro Formaggi等。

除咗意式薄餅，當日仲叫咗幾款好吸引嘅其前菜，推介大家一定要試Burrata 水牛芝士沙律，以及蘸上甜辣醬汁再炸至金黃酥脆的蜜糖蒜香脆雞。

餐廳仲準備咗意大利美酒配搭佳餚，昇華用餐體驗，推介包括 Aperol Spritz 雞尾酒、Amaro Montenegro 利口酒及 Negroni 雞尾酒等，仲有由餐廳自家製作、不可不試深受意大利人喜愛的檸檬酒 （Limoncello），香甜濃郁，風味十足。

除了堂食即席品嘗，餐廳亦有提供外賣自取及 Drive-through 自駕免下車取餐，方便大家可以Take Away各款美食。

作者：Laurie Wu（愛保健愛旅遊愛購物的熟女）

 

[email protected]