樂●活｜聖誕童樂遊

成日都話細個嘅時候最開心，一於趁難得嘅長假安排充滿童趣嘅活動，實行喚醒童心！

每次望到罐頭豬LuLu都會有種療癒、紓壓嘅感覺！apm就趁聖誕節聯同潮流玩具新貴kkplus以充滿節日氣氛的紅白色調打造3,000呎嘅罐頭豬 LuLu聖誕冬日小鎮，讓肥嘟嘟超得意的LuLu豬同大家一齊過聖誕。LuLu聖誕冬日小鎮內設有6大聖誕打卡位，包括聖誕華麗大宅、LuLu 3D全息投影互動遊戲、10呎Chill巨型罐頭豬 LuLu聖誕樹、盲盒及閃卡提取機、罐頭豬 LuLu蓋印打卡站及 聖誕期間快閃店，還有多款罐頭豬 LuLu自肥甜品換領

相信MARVEL迷已經睇咗或準備趁聖誕期間入場睇《蜘蛛俠：不戰無歸》，相信大家一定唔夠喉！咁就要去希慎廣場聯同Hot Toys舉辦嘅《蜘蛛俠：不戰無歸》主題展，商場中庭完美還原金屬發光嘅蜘蛛俠巨型標誌，與奇異博士施展秘術的巨型弧形LED燈裝置相互重疊交錯，兩旁的陳列櫃內首次展出Hot Toys 一系列極像真嘅蜘蛛俠和奇異博士1:6比例珍藏人偶，仲有一系列蜘蛛俠 1:4比例珍藏人偶、《毒魔：血戰大屠殺 》毒魔 1:6比例珍藏人偶、COSBABY迷你珍藏人偶及COSBI糸列等。場內仲有Hot Toys與Anson Kong、Lokman、Alton合作Artist Mix Collection 企劃，帶來MIRROR成員以經典蜘蛛俠漫畫造型作為藍圖而原創設計的1:6比例珍藏人偶及獨有場景。記得要去埋希慎廣場啟超道見證還原戲中奇異博士打開多元宇宙之門一幕，設有特效音樂和特殊光效，每天下午5時至晚上9時期間、每小時更特設音樂光效匯演，令《蜘蛛俠：不戰無歸》場景更活現眼前。

一向愛玩愛熱鬧的小丸子連同小玉、野口、花輪、小渚、杉山及大野6位同學仔就喺皇室堡、銅鑼灣地帶及東角LAFORET舉行Happy Together冬日舞會，每位角色都特別換上由日本名模兼造型師今野晴也Hallelujah專程為各位同學度身打造的禮服形象，選用富質感且鮮艷的布料，華麗之餘亦超級可愛。舞會都以紅、綠色作為主色調，聖誕氣氛濃厚，打扮得很漂亮嘅小丸子及好友就在聖誕舞會大廳、1.5米高的古靈精怪禮物盒、與杉山及大野共進聖誕大餐等打卡位，迎接大家一起影靚相！今次小丸子更特意安排了兩幅跟家人的冬日佳節油畫，置於場內與大家分享溫馨喜悅。活動期內特設櫻桃小丸子 Happy Together 冬日舞會期間限定店，發售超過100款全新禮品，包括櫻桃小丸子聯乘德國百年經典品牌Steiff推出的限量版公仔，全球限量發行1,500隻，每隻公仔均附有一張明信片，上面不但印有老師親筆介紹是次合作的文章外，更有這次聯乘泰迪熊的初稿插圖，讓大家一睹老師的創作筆跡。

全球首度登場的7米高超巨型「MOST-SWEET 烈陽號」海盜船將會喺今個聖誕於馬鞍山MOSTown新港城中心啟航！旅程由「MOST-SWEET烈陽號」開始，大門先有化身布甸的烏索普迎接大家，船長路飛及音樂家布魯克於「禮賓部」為大家安排上船手續；鬼馬的魯賓則與中家結伴於「MOST-Fancy Florist」大拍超浪漫合照；而船匠芬奇則於寫意旅程不可缺少的「Cocktail Spa」裡恭候大家來一趟泡泡Spa，更設有露台讓你於和煦陽光下輕鬆享受足浴！船上更有3個互動遊樂區，包括「甜萌盟Gym Room體感遊戲區」、「甜萌盟Cupcake DIY體驗館」及「甜萌盟Poolside 樂園」，保證大家樂而忘返！

唔經唔覺ULTRAMAN超人已經登場55周年，而TDG（超人迪加、超人帝拿、超人蓋亞）亦都登場25周年，陪住幾代人成長。今個聖誕，MIKIKI、屯門卓爾廣場、屯門錦薈坊及屯門寶怡商場，聯手舉辦一系列慶祝活動，同時慶祝超人與地球人的長久友誼。各商場轉換成超人體驗館，設置先進設備，為地球人提供各種訓練，其中MIKIKI — ULTRAMAN 超人體驗館就讓大家接受各項體能訓練，更有由日本來港嘅4米高超人吉田將會守衞這個基地。MIKIKI中庭將化身動畫內嘅超人太空站，由超人迪加作為導師，與學員一同投入ULTRAMAN超人360°全景攝影裝置中，傳授各種體能提升技，訓練情況更可攝製成360°慢動作視頻。太空站旁就有ULTRAMAN超人光影廊，超人帝拿正準備為努力學習嘅學員打氣，而ULTRAMAN 超人與怪獸經典城市場景中，超人Z正在對抗怪獸哥摩拉，等候着學員支援。太空站的另一面更有ULTRAMAN 超人圖鑑集結正義力量。

卓爾廣場中庭就有超人蓋亞於ULTRAMAN超人閃爍燈光感應裝置靜候大家，踏上裝置就可以不同動作及速度，踏出七彩顏色，編成專屬的燈光步法，接受超人蓋亞的反應訓練考核，更有超人高斯及超人亞古魯就於ULTRAMAN 超人經典城市場景列陣。

香港黃金海岸就與Pokémon合作舉行烘焙派對！必到打卡景點當然有派對點題之作，位於商場中庭的4.6米高、三層寶可夢聖誕蛋糕皮卡丘、炎兔兒、敲音猴和淚眼蜥等都現身在色彩繽紛的聖誕蛋糕上，360度圍着裝置拍照，上鏡簡直是零死角，100%可愛！至於黃金海岸酒店大堂就有Pokémon烘焙店和5米高、掛滿了皮卡丘、小火龍、傑尼龜及卡比獸布公仔嘅Pokémon巨型公仔聖誕樹！黃金海岸商場悠然小徑亦設置了多個Pokémon佈景，各個精靈寶可夢陪你開烘焙派對。如果入住酒店Pokémon聖誕烘焙派對住宿計劃的話，更可獲贈期間限定嘅薑餅人造型皮卡丘Cushion。

沙田中心．沙田廣場及屯門時代廣場就參照位於日本三重縣的全日本最大室內遊樂場—童星點心麵樂園，打造全港首個聖誕主題樂園恒基兆業商場x 童星點心麵玩味樂園Oyatsu Land - 香港駅。吉祥物星太郎將打破地域界限與大家同慶聖誕，場內設有不同打卡位，特設童星Baby Star製麵工廠，完成遊戲獲取日本直送限量童星點心麵杯及特選調味配料；除可帶走自家製小食外，更可以在童星點心麵DIY照相館，設計獨一無二的照片，記下此刻幸福的感覺。沙田中心．沙田廣場準備了「七彩童星點心麵滑梯」，屯門時代廣場則有香港首見、接近3米高的星太郎過充滿新舊回憶、玩味十足的聖誕節！

今年係七彩繽紛、千奇百趣的糖豆Jelly Belly誕生45周年，Mr. Jelly Belly就進駐西寶城、昇悅商場及昇御商場舉行跨年度Jelly Belly聖誕海陸空之旅。以1:10還原經典聖誕糖果包裝場景，可到西寶城嘅經典冬日冰川湖泊、昇悅商場嘅繽紛糖果車巡遊現場及昇御商場嘅禮物雪車空降派對3大冰雪秘境打卡。除咗3大冰雪秘境打卡場景分享聖誕喜悅外，Mr. Jelly Belly 更於西寶城準備5大派對遊戲贏取雜錦糖豆，甜蜜過聖誕！

作者：Laurie Wu（愛保健愛旅遊愛購物的熟女）
[email protected]