【樂●活】趁住長假Staycation

原來唔少朋友諗住趁嚟緊國慶嘅長假期去Staycation， 咁一於介紹幾個極具特色嘅選擇比大家啦！

˙香港維港凱悅尚萃酒店

無邊際泳池同維港海景可以話係香港維港凱悅尚萃酒店嘅最大賣點！Laurie曾經去過維港凱悅尚萃酒店Staycation，除咗靚景，佢哋嘅客房同埋餐飲都要畀個Like！最近更有新搞作，與多個本地有名時裝品牌合作帶來「時尚宅度假」住宿計劃。有別於平時的Staycation餐飲、住宿體驗外，仲可以預約使用CenChic Studio主題房拍攝時尚風格照，大家可以喺45分鐘內於CenChic Studio的開放式衣帽間，任意挑選由多個新晉本地時裝品牌，包括DEMO、CYNTHIA & XIAO及ARTO 提供的時尚服裝，或可以穿著自備的心水型格服飾，Studio內更有迷你攝影棚房間可以畀大家影相，一嘗當攝影師和模特兒的滋味。同場仲可一試本地品牌x.Gyroscope調配的香水，而且以上品牌仲有不同購物優惠提供畀大家。而且「時尚宅度假」住客仲可以帶走M•A•C的禮品包，內有子彈唇膏、新推出的Studio Fix輕氧毛孔隱形底霜和專業無瑕霧鏡粉底體驗裝，以及20分鐘免費修眉服務換領券 。（按此）

˙香港文華東方酒店 

提起香港文華東方酒店，總會即時諗起服務貼心，而且裝潢富氣派、格調，而且酒店的餐飲亦出名高質。最近香港文華東方酒店就與KKday合作推出低至31折的餐飲連住宿組合優惠，可以優惠價錢米芝蓮Mandarin Grill＋Bar晚餐、早餐、下午茶連海景住宿，而且仲可以揀選配搭船長吧晚餐配啤酒、快船廊自助晚餐、Café Causette海鮮拼盤連牛柳鵝肝三道菜晚餐等套餐，而且仲有過千元護理禮遇、生日紀念日禮遇等。（按此）

˙香港半島酒店

如果打算同家中嘅長老去Staycation，一定要把握機會聽日（9月27日）早上10時開賣嘅半島酒店嘅「黃金歲月」銀髮住宿禮遇來了，人均$1,490+ 就已經包一晚豪華客房、淺水灣香辣軒雙人午餐（旅遊巴接送）、半島大堂茶座雙人早餐、外帶半島經典下午茶及半島酒店雕刻肥皂禮盒，實行來個兩日一夜嘅偷閒生活。溫馨提示一下，呢個優惠其中一位住客需是60歲或以上。（按此） 

˙港威酒店

睇到港威酒店推出的「一泊4食」豪華住宿之旅優惠，即刻諗起疫情請上網訂酒店嘅日子。於是即刻Click入去下八卦一下，原來係可以升級總理客房享早餐、下午茶、黃昏雞尾酒、蝦塔連小食，仲有長達24小時住宿體驗、送氣泡酒、生日禮遇，而且價錢仲低至24折。聽晚（9月27日）10時可以開始預訂。（按此）

 ˙Tang’s Living Group 

另外，提一提各位聽日起（9月27日）早上10時起至9月29日，Tang’s Living Group 會推出一連三日的6周年優惠，旗下餐廳及會所將推出9項獨家優惠，包括買1送1半自助晚餐、以6折優惠價$173享酒店雙人下午茶套餐、水療及美容療程6折，以至$660享3個月健身通行證等。（按此）

作者：Laurie Wu（愛保健愛旅遊愛購物的熟女）
[email protected]