【樂●活】睇「車展」逛市集

本身諗住今個周末悠閒在家煲下劇、睇下書，悠悠閒閒咁過，點知都係受唔住引誘，安排咗去睇「車」兼行市集。

之前動漫節Mr.Bean MINI真車吸引唔少人打卡，如果你同Laurie一樣緣慳一面，聽日或後日可到D2 Place二期地下The Garage一睹佢嘅真身，同場仲有以特別造型亮相嘅CLASSIC MINI COUNTRYMAN 和 CLASSIC MINI PICKUP。現場更特設銷售區，將有一系列新產品登場，當中包括Morris Mini Cooper（電鍍玫瑰金）、Pantone 1/18 消防栓、PIXER丹尼士巨龍 等，更有4款李小龍巴士亦會於展場及店舖同步發售。

至於D2 Place One 就會舉行全港最大型車仔主題市集 — 香港車仔展2021，展出各大模型車品牌，包括Hot Wheels、Matchbox、Majorette、MINI GT及Schuco等國際品牌、香港的原創品牌Tarmac Works、POP RACE、ERA Car、BM Creations、Model 1、MCE Mall，及澳門品牌INNO64及內地品牌拓意的最新模具及產品，除了最新的模具外，更有現場發售特別版。市集還設有約20個攤位供賣家出售車仔及場景，同場舉行改裝模型車及攝影比。微影首次與Ubivox合作，打造全新「微影印記」，可憑一秒進行快速立體掃描，並製作專屬於你的人像模型，而且仲可自選多個比例。

 另一吸引Laurie唔再宅在家的原因，就係要去屯門市廣場內逛咖啡 x 綠色生活文創市集。今次由屯門市廣場聯乘麥田捕手舉辦的市集，由即日起至9月29日舉行，集合了超過30個本地特色自家品牌，售賣各式精品咖啡包括咖啡豆、冷萃咖啡、咖啡掛耳包、手沖咖啡器具等，而且更有一系列環保有機產品及原創手作精品，好期待可以將這份小確幸帶回家。

作者：Laurie Wu（愛保健愛旅遊愛購物的熟女）
[email protected]