【樂●活】網上限定的美味

身邊有幾個蛋糕控，近乎每次聚會都有人提議「不如買個蛋糕」，噚日嘅聚會，朋友就訂了兩款網店限定、又充滿特色的蛋糕，非常有驚喜！

第一款係濃醇抹茶豆乳慕絲，濃醇抹茶豆乳慕絲蓋上醇厚甘香嘅京都宇治抹茶鏡面，帶來輕淡嘅苦澀回甘，而中間充滿著軟綿輕柔嘅豆乳慕絲配上深厚濃醇嘅京都宇治抹茶，濃郁豆抹香交織融合，充滿著絲絲嘅香甜餘韻，淡淡香濃綿密。

朋友話見蛋糕只有15cm細細個，怕大家唔夠喉，所以就同時買了另一個截然不同的口味，柚柚香芒梳乎厘，同樣只有15cm，最啱幾個朋友一人一件，淺嚐蛋糕的美味。這款蛋糕就帶來充滿清爽的水果美味，酸酸甜甜嘅芒果啫喱，配上乳酪、芒果柚子慕絲和梳乎厘芝士蛋糕，將清新嘅新鮮水果滋味，令蛋糕味道更加昇華。

兩款蛋糕其實都係A1 Bakery嘅出品，而且都係網購限定的蛋糕款式，如果想試的話，記得要先到網店預訂再到分店自取。八卦嘅Laurie聽完朋友咁講，當然就算餅店的官網睇下仲有咩驚喜啦！結果發現除咗以上介紹的蛋糕之外，仲有兩款蛋糕都係需要網購店取，而且相當吸引，已經約定朋友下次聚會要訂來試試。包括用上來自日本的紅遙甜薯製作的九州紅遙甜薯蛋糕，睇介紹係將軟熟香甜的紅遙甜薯混入蛋糕，口感應該屬於綿密軟熟之選。另一款就巴斯克芝士蛋糕，外層焦香入口溶化，充滿濃郁的芝士香味，以綿密的口感配上獨特的烘烤面層。

提提大家，喺A1 Bakery網購店取會有額外優惠，紅卡會員會有9折，而銀卡會員就有85折，如果未成為會員，買滿$300亦有9折。

 

作者：Laurie Wu（愛保健愛旅遊愛購物的熟女）
[email protected]