【阿碌開咪】香港四大不足 領、制、彈、團

新春聚餐，通常大家不會齋風花雪月，而總會觸及某些社會議題，作意見交流。

　　前晚一餐，八人分兩枱，包括前高官、前行政會議成員、公共行政大教授、著名商界CEO、傳媒專家、公關高手及非牟利機構總監。

　　題目由商界CEO拋出，滿腦疑問：「點解香港搞成咁？講處理疫情，鄰近新加坡（開頭也是倒瀉籮蟹一鑊泡）及澳門，明顯比特區政府出色。以本港而論，大家睇睇馬會，亦冇得唔服，不但馬冇停跑，旗下所有設施及職員也沒問題，更勁是去年十二月搞《香港國際賽事》，外地騎練及馬匹，部分由『高危區』（例如英國）而來，一樣安排到滴水不漏，將不可能變成可能。」

　　CEO的疑問，相信不少香港市民皆有同感，因發覺近年香港管治水平一直在不停滑落，大家充滿疑惑之餘，亦覺得好冇面。經過一小時討論，拜拜前總結了幾點共識，正是香港出現「領、制、彈、團」缺點，共四大不足之處，於是就搞成咁嘞。

　　領——領袖；制——制度；彈——彈性；團——團結性。

　　領袖方面，毋須解釋，兩次民意調查，顯示任何政治光譜皆清楚反映其不滿，所以早前蔡堅醫生被記者問及：「點解澳門得，香港唔得？」就被蔡醫生一句「領袖唔同」中正紅心。

　　制度方面，政府事事強調有規有矩。領袖出問題，其他的司局長、秘書長及處長，可通過公職人員規則的保護罩按章工作，Hea做。大家有眼見，政府最頂層（不是特首）也有一位日日打呔返工，而只混混噩噩度日，支幾十萬元月薪的。公務員因不怕被炒，一唔開心，自然不投入工作。既無懼被炒，一於放軟手腳。至於點解唔開心？你話呢？

　　欠缺彈性。這最令公務員無奈。例如買任何野，先要落標競投，以致急事不能急辦。去年初搶口罩乃最佳例子，輸一條街！

　　團結力，你知我知，成個香港民心絕非是一條，自然就乜都散散哋，簡單。　

曾智華

阿碌開咪

編按原題為:「 領、制、彈、團 」