何啟明支持《墨落無悔》聲明 用盡權力逼令政府

（星島日報報道）民主派47人參與「35+」初選，涉嫌計畫立法會過半無差別否決財案被控，16人否認串謀顛覆國家政權罪。被告何啟明昨日於西九龍法院開始自辯，引述《墨落無悔》聲明中指「我會運用《基本法》賦予立法會的權力，包括否決《財政預算案》，根據其理解否決財案「只係一系列權力其中一樣」，而有見聲明希望求同存異，「我哋都可以參與，我唔會介意嗰一個半個字嘅不同就唔會參與。」
何啟明交代2020年6月簽署了《墨落無悔 堅定抗爭——抗爭派立場聲明》，認為聲明當中「共同綱領」指各區協調會議共識——即辦初選、論壇、靈童制替補及目標議席，而「立場差異」則指「就着否決財政預算案立場，有人會選擇否決，有人選擇唔否決。」

何啟明解釋「因為我會運用《基本法》賦予立法會權力係一系列權力，而呢一系列權力我哋係有選擇嘅空間，有啲可以用，有啲可以唔用，所以不限於否決財政預算案，只係一系列權力其中一樣」。何啟明說明民主派過半後有權調動議程、修訂草案及不斷問問題，甚至要求點人數或製造流會。

《香港國安法》指定法官李運騰反問即是「拉布」癱瘓議會？何啟明否認指亦可以是具建設性修訂及問題，民主派過半時政府議案需要民主派同意才能通過，雙方商討期間民主派可以運用上述權力，要求政府回應五大訴求，然而當時沒想過否決財案。
運用《基本法》賦予一系列權力

法官陳慶偉再指，何啟明理解與他人截然不同，變成「一中各表」，何啟明同意有機會人言人殊，惟指「我睇到嘅嘢就係stating the obvious （顯而易見），好多嘢就係咁淺白」。李官質疑何啟明說法與聲明內文有矛盾，內文應指包括否決財政預算案，何啟明說法卻相反。何啟明反駁稱「咁我理解真係同法官閣下唔同喇，法官閣下講嘅『包括否決《財政預算案》』係形容『會運用』，我講嘅『包括否決《財政預算案》』係形容『運用《基本法》賦予立法會的權力』」。
初選後抗爭派記招沒被邀請

何啟明否認自己屬抗爭派，「最起碼初選後抗爭派記招我冇被邀請嘅」。法官陳慶偉追問何啟明Facebook帖文何不展示為民主派溫和派聲明？何啟明反駁「呢個聲明係希望求同存異，佢用抗爭派所以我用返佢嘅字，溫和係做出來嘅，唔係自己講，民協有往績可尋。」

何啟明再否認曾「鬥黃」自居抗爭派以博得選民支持，重申有見聲明希望求同存異，「咁我哋都可以參與，我唔會介意嗰一個半個字嘅不同就唔會參與。」

案件編號：HCCC69/2022