中介遭質疑沒記錄死者投訴

（星島日報報道）死因研訊期間，裁判官何俊堯（見圖）和女傭中心東主李偉康在庭上針鋒相對。李被問到雙方工作要書（Job Order）可有記錄時，李答「唔記得」，何官反問報稅要保留記錄七年，李答「搵唔到唔好意思」，又先後指「交晒畀僱主」及公司電腦故障，何官提醒「你咁犯法㗎」，何官警告「你頭先宣誓（作供），查落去唔係（事實）會好大件事。」
官斥「你本末倒置」

李續交代死者來港後，驗身報告等同樣沒有記錄，直接交給僱主，遇有問題會即時跟進。李其後解釋因辦公室不大，次要文件不會保留，只得近兩年文件檔案，並辯解「六年前嘅事㗎，我唔記得呀，我當時唔知道工人會出呢件事，所以無每一個步驟都做記錄」。何官聞言痛斥「你咁係本末倒置，唔係出咗事先做記錄㗎！工人嘅事你都要做記錄。」

午飯休庭後，李再被質疑死者投訴不作記錄時，李不忿道「我唔係法庭，你可以問晒所有大細中介公司，一日嘅事有好多」，公司僅他一人工作，無法一一留下記錄。

何官反問「工人投訴唔需要記錄？僱主打電話來換工人都無記錄」，李反駁雙方投訴內容均非常見。

何官連番質疑下，李激動回應指「我今日上呢個庭，受嘅委屈好大，我好似做咗受害人，當咗我係個僱主，話我害死個工人。我上來協助法庭有機會答得唔好，希望你原諒，但我睇到你好似好針對我」，李續稱「我要保障個工人，因為個客害死咗個工人」，而重要檔案即使自己目前沒有保存記錄，但案發時均早已應要求交給菲律賓領事館或入境事務處等部門。