星8卦丨「朱女」嫩妻妒忌心重 管制「阿叔」与世界隔绝

娶个靓妻系咪人人羡慕？又靓又嫩就更加系人生胜利组？有时啲嘢又唔一定㗎！视乎个女人有几锺意你啦！

以「阿叔」为例，40几岁成家，之前同「姣精」都好多年，对方以为「阿叔」系不婚主义，搞得几年都唔想再蹉跎岁月，跟咗「大佬」做二奶，但起码唔愁生活。男人通常都系死喺啲后生女身上，「朱女」其实样样都普通，但胜在好命，出道好快就做主角，因为一次外景，「朱女」觉得「阿叔」够稳重，轻轻用下力就因为青春无敌将「阿叔」拿下，仲要唔驶半年就拉埋天窗，好多人都觉得匪夷所思。

其实婚后「阿叔」先知「朱女」妒忌心好重，本嚟北上大把财路，「朱女」全部唔畀接，话上面啲闲花野草好得人惊，所以要老公留港发展，最弊香港无job呢，男人最怕无志气，于是「朱女」豪气话等我养你，果然佢一个月做网红代言都有几十万，叫做够养起头家。

「朱女」系屋企都好霸道，唔可以畀老公喺自己面前消失多过5分钟，去厕所唔准带电话，电话又唔畀set密码，有人打嚟就问长问短边个嚟㗎？出去食饭有乜嘢人？仲有大部分时间系跟埋去饭局，知道饭脚系边个之后，坐低唔够半个钟就话要返屋企凑仔，拉埋「阿叔」走，搞到佢尴尬非常。依家大家知道阿嫂超级烦，所以都唔敢再约「阿叔」，无朋友无嘢做嘅男人，系咪会为一个好爱自己嘅女人忍成世？大家放长双眼睇下点！

 

【相关文章】：

星8卦丨「男仔头」衰cheap得罪老细 学精遇大少修成正果

星8卦丨「家姐」姣媾裙脚仔连生两个得米 避开「势利老窦」自保

星8卦丨「男歌手」食仔被老婆发现离婚 放纵继续男女通杀专搞助手

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ