「冠军」被利用拆散有妇之夫 结果情人遇意外变植物人 决心落仔再嫁有钱佬

「冠军」命途坎坷，屋企锡仔唔锡女，所以未读完书就出嚟参加比赛，好彩生得高大又唔怕丑，可以赢到啲奖金塞住势利老窦把口。

老窦梗系唔同你客气，亲自做马夫咁卖阿女嘅贞操，好快就俾「新界仔」屋企人睇中，问题使君有妇，「新界仔」家底唔错，又系最细，老父阿哥锡到燶，加埋薄有名气，可以话系家族之光。

点知宠坏咗，问都唔问娶咗「外省婆」，呢个女人出名霸道恶死，但「新界仔」偏偏锺意佢呢种性格，两个人爱得痴缠。族中长老谂条死桥，用方法介绍「冠军」畀「新界仔」识，咁啱「外省婆」返咗老家，「新界仔」一条友有啲寂寞，「冠军」嘅温柔令佢有唔同幸福感，加埋年龄相近，又土生土长气味相投，所以好快打得火热。

「外省婆」初时都只眼开只眼闭，玩够就鸟倦知还，点知玩大咗，「冠军」竟然有咗，「外省婆」咁多年蛋都无只，呢个时候就知自己有危机，最重要系「冠军」有夫家族群撑腰，而佢嘅个性又唔肯屈膝，于是冲动地提出离婚，结果「新界仔」顺水推舟，由得「外省婆」搞到够。

偏偏天意弄人，一心以为可以脱离家庭嘅「冠军」，系个BB仲差少少落唔到嘅时候，「新界仔」遇到意外，做咗植物人，之前所有嘢都唔算数，最惨系「外省婆」再度跳出嚟扮惨情，而「新界仔」啲家长无端端又玩失踪，「冠军」一个女人仔，大住个肚咪仲惨，于是粒声唔出落咗个肚。

所以「新界仔」到依家绝后系抵死，好彩「冠军」无耐搵到有钱码头，三年抱俩，当初狠心落仔都错唔晒！

【相关文章】：

星8卦｜「白净」恨做有钱人愈嫁愈豪 遇擦鞋仔投资错误冇咗一半身家！

星8卦｜「王子」恶死横行 对住父母超级孝顺 娶老婆首要两老Like

星8卦｜「白鸽」嫁入豪门劲刻薄 工人日日自备乾粮开餐 月薪7万冇人肯做

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ