星8卦丨「男歌手」食仔被老婆发现离婚 放纵继续男女通杀专搞助手
2023-03-21 10:00 
几时都话人不可以貌相，咪睇「男歌手」一早成家立室，多年嚟都好似系好老公、好老豆，如果唔系利用埋自己离婚嚟谷飞，大家都唔会开始注意这位仁兄嘅德行。
「男歌手」原来有铺食助手瘾，咁多年身边啲助手有番咁上下色相，做唔做到嘢唔系人人知，但最紧要胸大同够姣，好多时都靠呢啲姐姐出去帮佢搵福利。
其实呢份福利都有佢哋份，好似有次出埠，通常坐商务位只有经理人同艺人两位，但「男歌手」就让畀比靓女助手坐商务，自己就坐经济客位，主办商听完又点会畀呢个情况发生，咪贴多啲钱，畀佢同助手一齐坐商务，但心里面就妈妈声，数臭佢哋呢条Team罗。
不过最离谱系后嚟畀老婆发现，佢系个男又食女又食嘅滥交之人，无意中见到佢同一个好后生又高大又靓仔嘅工作人员锡锡，原来两个人搞埋一堆已经成半年，老婆平时忍佢食助手都算，一来民族性比较忍得，二来有两个小朋友，谂住只眼开只眼闭行埋条夫妻路，但今次畀佢知道连仔都食，就真系忍无可忍，离家出走仲主动提出离错，所以大家对佢做番单身汉都有啲突然。
「男歌手」有带货能力，咪睇佢表面又霉又燶，但原来佢有唔错嘅搵钱方法，绝对养得起公司同屋企人，于是你就会明白点解佢身边有3、4个助手，当然有啲系佢想食嘅咪请嚟帮自己，方便食得就手，仲要有男有女，全部都要由「男歌手」亲自拣蟀，公司搵到钱，佢又开心，一家便宜两家着嘛！
【相关文章】：
星8卦｜「威哥」充阔佬个个月送老婆限量包包 自己悭家特卖场执平货
《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应