星8卦｜「白净」恨做有钱人愈嫁愈豪 遇擦鞋仔投资错误冇咗一半身家！

「白净」份人一向好踏实，自细屋企争人好多钱，所以书都唔读就出嚟搵食帮轻屋企，知道世界艰难，所以一直唔敢乱揈钱，好唔容易还晒阿爸阿妈啲钱，又得到「老细」照顾，每个月俾笔钱，「白净」都好生性存起。

问题系人有钱就多人攀缘，要知道呢个世界有钱人之中都有骗子，加上「白净」嫁几次愈嫁愈豪，学足富家界陋习，觉得辛劳工作系无发达，于是学人投资，以一搏千咁赚。头20年都唔错，因爲有「老细」照住，教佢点行，可惜呢轮「老细」教落嘅招数全部唔见效，加埋前几年「老细」离开人世，「白净」好似无咗个精神支柱，俾「富家擦鞋仔」埋到身，摆个靓门误导「白净」都已经成为佢哋一份子。

初时擦鞋仔谂住借钱，「白净」梗系唔肯，后嚟搵另一个有钱人晚晚开心，砌个投资计划一齐投资，「白净」无得问路，加埋虚荣，好快就落搭。呢个计划又唔系假嘅，因为一齐落搭嘅仲有好多圈中人，「富家擦鞋仔」都有钱投入去，但边个估到疫情搞咁耐，于是冚家富豪，贪心嘅「白净」唔见咗一半辛苦钱，所以最近同一早反咗面「交际花」世纪式破冰，无非系想对方帮自己东山再起，将唔见咗一半嘅身家搵返，好过要卖晒自己啲资产填氹咁阴功。

【相关文章】：

星8卦｜「王子」恶死横行 对住父母超级孝顺 娶老婆首要两老Like

星8卦｜「白鸽」嫁入豪门劲刻薄 工人日日自备乾粮开餐 月薪7万冇人肯做

星8卦｜「巴辣」用钱纵坏女儿变港孩 老窦地位低冇Say宁愿做鹌鹑

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，搵91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ