星8卦丨「家姐」姣媾裙脚仔连生两个得米 避开「势利老窦」自保

「家姐」终于守得云开，最近仲好高调公开自己正印嘅身份，虽然生埋小朋友嘅佢都冇谂过可以公开，因为佢有个超级难搞嘅奶奶。奶奶一向做人眼角生喺额头，都怪佢有条旺夫命，自从「书生」娶咗佢入门，家运一路向好，之前啲生意始终差一步，奶奶做咗自己人之后就开始事事顺畅，当然奶奶都有生意头脑，频频帮「书生」见客，做咗定海神针，所以咁多年佢都纵到奶奶目中无人，生意做得大，伙计用得多，自然就嚣张。

「家姐」有个好势利嘅老窦，初时有钱，后嚟破咗产，但好日子放唔低，成日想做番有钱人，于是将未够秤嘅妹妹带喺身边，成日出嚟搵老板，妹妹最后跟咗个叔叔，见到佢每次出嚟都满眶眼泪，惨过死老窦，睇嚟叔叔都唔系人咁品，令妹妹自尊受辱。

「家姐」其实都系博一铺，二话不说就三年抱两，趁自己仲后生，奶奶无理由连孙都唔认啩，果然俾佢博到，加埋老爷同「书生」，奶奶即使嫌亲家出身唔好，但睇在两个孙仔份上，拖咗几年都畀佢入门，但条件讲明唔准佢老窦多事，亦唔可以有金钱上轇轕。「家姐」难得入到个好门口，唔驶奶奶讲都会用技巧防亲生老窦啦！

 

【相关文章】：

星8卦丨「男歌手」食仔被老婆发现离婚 放纵继续男女通杀专搞助手

星8卦丨「阿宝」有大水喉射住 锺意袋现金周围派

星8卦丨「细眼」抢阿姐工作捱闹犯众憎被迫收皮

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ