独家丨梁祖尧获邀制作电影：唔熟唔想霸住资源大赞Ivy So首做女一演得实净

2023-03-31 08:00

梁祖尧拍完《绳角》已爱上拍剧，在新作《和解在后》中饰演巿侩「调和中心」老板「Cliff」，阿祖大赞今次拍得更开心，因为好多演员都跟他有特别关系。锺意拍剧的他，原来有人搵他做埋制作人，不过他还是最爱舞台，宁愿留给等机会的同业。采访：杜杜服装：New Balance

阿祖宁愿留机会畀更有需要的制作人，放弃制作电影和电视剧。

阿祖跟赵善恒虽是初合作，但一见如故好啱倾，连拍冲突戏都唔使就住。相对于上次《绳角》演「鲁坚」，阿祖今次拍《和解》絶对是天堂，「全部office戏全程有冷气，就算着西装都冇问题，上次真系热到黐线，今次office景要影到窗，全部日头拍唔使捱眼瞓。」

阿祖在《和解在后》，饰演巿侩「调和中心」老板「Cliff」。

阿祖形容拍《和解》就如跟好朋友聚旧，导演骆子康早于港台节目合作过，而且是同住一条村的街坊；另一导演兼男主角赵善恒虽是初合作，但一见如故好啱倾，连拍冲突戏都唔使就住，「因为大家信任对方，唔需要留底线惊拮到你。」而谷德昭又与老友谷祖琳是叔侄关系，阿祖经常参与他们的家庭聚会，跟谷导似家人一样，；仲有认识20年的岑珈其和演艺师妹袁绮雯；加上《全民造星IV》两个女Ivy（苏雅琳）和 Sica（何洛瑶），所以阿祖每日开工都超开心。

阿祖跟多位台前幕后都认识，日日开工似跟好朋友聚旧。

阿祖跟赵善恒虽是初合作，但一见如故好啱倾，连拍冲突戏都唔使就住。

估不到阿祖因好友谷祖琳关系，跟谷德昭都变成家人一样。

赞Ivy Sica表现称职好叻女

阿祖赞Ivy及Sica表现超级好，「佢哋好努力又认真，准备充足但唔系死记，改句对白都唔得，佢哋好活，第一次拍剧真系好叻女。」阿祖又大赞首做女一的Ivy够淡定，清楚自己位置，「佢知道故仔入面代表紧边种人，演得好实净。」 Sica本性癫丧得来又可爱，剧中可以尽情发挥，还肯为拍档牺牲瞓觉时间，「我哋9点开工，但化妆整头就系得咁多工作人员，佢永远唔介意5点起身做最早嗰个，好大爱。」

阿祖赞身为女主角的Ivy好淡定，亦清楚自己定位。

Sica的大爱表现，令阿祖好感动，大赞抵锡。

虽然阿祖觉得拍剧好玩，但两次拍剧都因为疫情令舞台剧延期才有时间，相信未来要兼顾两边会较难，他又称曾获邀制作电影和剧集，但均被他婉拒，「真系唔系我熟识嘅语言，我宁愿留畀等紧呢个机会好耐嘅人，我唔想霸咗而做得唔好，我有故事想讲梗系喺舞台讲啦！知道喺拍摄行业，好多制作人等紧机会好耐，如果因为近排爆啲有人搵你，我觉得对唔住嗰啲等紧机会嘅人，喺呢行你攞咗个资源，就代表有人冇咗个资源，我唔想咁。」