星8卦丨「男仔头」衰cheap得罪老细 学精遇大少修成正果

讲起「男仔头」都有啲凄凉，为咗头家，书都未读完就抛头露面，由于卖咗初夜俾「老哥」，竟然爱上咗对方，老哥话两个人开心就好，唔好谂咁远。但「男仔头」愈陷愈深，竟然去搞「大家姐」！呢位仁姐一直系老哥嘅大水喉，所以最后老哥发晒「男仔头」烂渣，令佢好伤心。

自此「男仔头」对男人都抱住搵食嘅态度，不过又有唔错嘅命水，识到又冧佢嘅都系有头有面，「俊男」直情租埋靓地段同佢双宿双栖，如果「男仔头」唔系衰cheap拎啲靓衫去卖钱，「俊男」都会包养佢耐啲。

因为性格问题，「男仔头」一直都系个个老细对佢好一阵，好快又完结「合约」，「男仔头」唔明白，以为自己个Body唔得，所以个个星期都去吸胸，靠不同仪器令搵食工具keep住100％诱惑，好多试过嘅襟兄弟喺茶馀饭后都话「男仔头」好正！

「男仔头」知道之后更加勤力，希望呢班老细有朝一日同自己有结果。好彩喺佢仲生得之前，遇到「大少」生滋猫入眼，完全唔计较佢之前做过乜，虽然唔靓仔又蠢蠢哋，但话肯娶佢，仲唔使继续做幕前，「男仔头」梗系第一时间答应，而且仲行老爷政策，氹得所有长辈都好高兴，好彩佢哋都唔系太计较，鬼佬性格，「男仔头」嫁咗都安份守己，近年扮晒名媛好受欢迎，过去一啲都无人再提。

 

【相关文章】：

星8卦丨「家姐」姣媾裙脚仔连生两个得米 避开「势利老窦」自保

星8卦丨「男歌手」食仔被老婆发现离婚 放纵继续男女通杀专搞助手

星8卦丨「阿宝」有大水喉射住 锺意袋现金周围派

 

《星岛申诉王》于3月1日隆重登场，节目为民请命抱不平、追踪城中热话，亦会搜罗温情小故事。你申诉，我跟进，WhatsApp 91999933，《星岛申诉王》随时候命！
立即报料：https://bit.ly/3IMunqd
你的独家报料一旦被采用及报导，将获得乙份奖品。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ