【萌B】小猪比入神听歌小黄妃牙牙学语 网民激赞超级可爱
2020-11-28 09:00 
陈展鹏与单文柔(Phoebe)嘅宝贝囡囡陈诺瑶（小猪比）愈大愈可爱，今日凌晨展鹏放咗两张小猪比戴住耳筒相，问：「大家估吓小猪比听紧咩歌？会唔会系爸爸嘅歌？」其实听咩歌系其次，重点系岁半大小猪比束住条孖辫仔，花花发夹衬浏海，眼大大，下巴尖尖，皮肤白白滑滑，仲要听到笑笑口，个样可爱到爆炸，冧死人。网民留言大赞「超级可爱」，有人话「肯定系暖男爸爸嘅歌啦」、「和妈妈一样中意～差半步～？」
至于同系53岁嘅黄泽锋和太太陈丽丽，宝贝女黄熙恩（小黄妃）都系就快岁半大，同样非常精灵活泼，天生挛毛嘅小黄妃啱啱剪咗新发型换上新形象，加埋副BB太阳眼镜，变身「黑超B」招积妹。她还随父母到拳馆为师公贺寿，氹到师公高举胜利手势。着住短裙仔衬长袜，头发浓密嘅小黄妃唔止眼碌碌，仲好好笑容，笑晒口咁牙牙学语，人见人爱，唔使扶住，小黄妃可以喺胶垫上向前向后行两步，真系又靓又叻女呀！
關鍵字
最新回应