撇低囡囡庆祝结婚两周年 陈展鹏单文柔叹法菜兼staycation

昨日是陈展鹏与太太单文柔结婚两周年，两公婆撇甩瞓咗觉嘅1岁半囡囡陈诺瑶（小猪比）出去食饭庆祝，顺便过吓二人世界。事后更sweet爆地在各自的社交平台分享，展鹏留言：「照单全收，thanks fans」，又hashtag「努力」、「女人心」、「包容」、「学习」，呢位新手老公兼爸爸有好多嘢要学咁喎！

除了合照，展鹏还影了一张老婆「带保镖出门」的相：「虽然今日系一个特别嘅日子，但系都唔使带埋保镖嚟睇住晒嘅，浪卡距离咁远吹你唔走嘅！」这位男士其实是餐厅职员，恰好企在单文柔身后，又几有保镖feel。相反单文柔就叫展鹏唔好四围望：「今日系（系）Anniversary，你前世情人训(瞓)左（咗），就专心陪我！」老公八卦到唔记得今日咩事最重要，都唔知好嬲定好笑。

两公婆除咗叹法菜，其实亦有去中环美利酒店staycation，再专程到位于湾仔的L'Envol叹法菜Dinner，唔知两人有无过夜，但陈太影晒酒店房内嘅陈设加酒店为两人庆周年纪念的汽球装置非常满足，而展鹏亦好满意今年获得米芝莲一星的L'Envol餐厅，单文柔并搞笑表示「Anniversary好像变成了他的生日」。