【独家】同拍挡林子超开健身学校　杨柳青学生多女生男友唔使惊

杨柳青（Wiyona）与林子超（Andy）近日在「疫」境下，合资6位数于上环开设健身艺术学校，Wiyona笑称几乎倾尽全副身家，她喊道：「唔好再呕钱喇，而家要踩单车返嚟喇！」不过，Andy就爆全因对方设计了不少打卡位，二人仲为此嗌了多次交，好在最终都无伤和气。撰文：黎宝伦　摄影：张咏森　场地：Studio 12

因为杨柳青发现上环一个笋铺，在幼稚园教跳舞近4年的林子超终于圆梦开Studio，在疫境下创业的他无惧生意受影响：「有危先有机，呢度开业1个月，喺冇大肆宣传下生意都唔错，好多朋友都已经搵我哋报堂，好鼓舞。」讲到在装潢上花了不少心思，最终更超支3倍，两人直言为此嗌了多次交，Andy即爆Wiyona性格「港女」爱打卡，他说：「我觉得唔需要咁多打卡位，系咪应该着重课堂同空间多啲呢？但而家我哋嘅拗撬去到尾声喇。（你让佢多？）大家互让啦，我都恶顶嘅。」

虽然对住做事认真的Andy甚大压力，但Wiyona认为一凹一凸互补也不错，「做嘢就要互相包容，好似拍拖咁。」两人又盼继续合作开分店，Andy更打趣道：「希望分店遍布全球有华人嘅地方！」提到教健身的陈婉衡曾与学生操出师生恋，与外籍男友感情稳定的Wiyona即向另一半大派定心丸：「 我嘅堂以女仔为主，所以唔担心，男友都鼓励我去Inspire多啲人做运动，仲叫朋友嚟支持我，我生意好佢都会开心。（男友介意你着性感小背心？）唔会，平时我好男仔头，唔系幕前咁性感，做运动系好开心、好正面嘅嘢。」