【独家】𦧲饭应做《造星III》肉紧导师 花姐大赞林二汶彭秀慧好抵用
2020-11-27 03:18 
ViuTV《全民造星III》播出以来，除一班参赛者成为话题，导师林二汶和彭秀慧（KP）一样令人睇得肉紧，原来当日花姐（监制黄慧君）睇中两人易「落搭」，而她们就笑言是「𦧲饭应」做。花姐拍落大赞两人劲抵用，她们为学员仆心仆命，二汶惨变喊包；KP更要靠玩app减压；而经验丰富的花姐，竟然亦被学员努力感动，搞到要公开向他们讲对唔住。撰文：杜淑霞 摄影：李维隆
花姐最初期构思节目从第二辑节目评判入手搵导师，她睇中二汶和KP，因发觉两人好爱节目会「落搭」，当节目拍摄期间，她便肯定冇搵错人，「呢两个人嘅投入系我难以想像，佢哋𠵱家好似无端端生咗廿几个仔女，要好好照顾佢哋，又做经理人、保母、阿妈，上两辑我要负责嘅嘢，佢哋一嘢已经仆到出去做，唔使我烦，我觉得系好抵。」而两人自爆其实是「𦧲饭应」做，因觉得自己适合做，亦好想同学员分享。
二汶和KP在前哨战在后台抢人入组，互相推撞，甚至爆埋粗，但强调无损友谊，二汶反而认为到分组赛，好多情况不能跟KP分享而变得失落。二汶又因为太投入节目，竟变成喊包，「我估唔到自己喊咁多，我平时系唔喊！（KP：我识佢咁耐冇见过佢喊！）（花：直情感觉佢痛！）有次喊到佢哋直情分别send message畀我，问我有冇嘢。我见到佢哋（KP）嘅人输都喊！」至于KP遇到过程中低落，就选择玩app带走负面情绪，「好似好鬼迷信咁，有个类似星座嘅app，佢唔系睇你星座，但系会分析你性格，有几晚返去睇嘅时候系安抚咗我。」
讲到花姐最近分别跟参赛者Timo（江宏基）和Ansonbean（陈毅燊）合作拍广告，她澄清全程由广告商安排，「系广告商攞名单自己casting嘅，我都系去到拍前一两日我先知系边个，绝对冇偏心。（Timo传系内定冠军？）冇内定㗎！我心入面净系得MIRROR同ERROR。」另外，她更点名要向Odi（陈康琪）和班长（李明宪）讲对唔住，因自己太主观，但接触过发觉两人都努力，对他们已改观。
最新回应