【振作】亲自落菜园执烂尾 肥妈为自己打气：要由头嚟过喇

肥妈的丈夫Rick于本月5日晚因肺癌逝世，肥妈对丈夫病逝伤心欲绝，幸而经过时间沉淀后，肥妈终于走出丧夫阴霾，昨天她在社交网上载短片，亲自落菜园打理，留言：「好耐好耐都冇打理过个花园，都好几个月了，今日一见到..唉....连啲rosemary, thyme 都谢晒。唔紧要，重头嚟过，自己打理返，早几日有fans畀咗啲菜苗我，有唔同的菜，多谢晒。」

 

片中见她置身菜园中，正弯身收割较大棵的蔬菜，边摘菜边呻家佣不善打理，未有早晚淋水搞到种植农作物枯死，似乎有返啲心机打理吓嘢，肥妈有感而发说：「呢啲生到咁大棵都唔摘，摘嚟滚汤先，fans畀我嗰啲菜苗我都种咗，呢几日忙搞老公三七啲嘢唔得闲理，佣人夜晚唔淋水，搞到乾鬼晒激死我，今朝一早搞返，已经烧晒啲嘢(畀老公)，唔求人开始自己打理返，种返啲嘢先，唔到你唔信(邪)，我老公病嘅时间，佢食嘅香料就算好大棵都死晒！要由头嚟过喇，振作！」她还透露两子经已搬返跟她同住，所以日日好忙要煮饭。

 

而本周日晚九时，系肥妈丧夫后复工做直播，她已出post约定fans到时教煮蒜蓉牛油焗龙虾尾车厘茄。似乎生活已回复正常轨道。