【Headline Girls】关嘉敏（卡文）恨做新一代打女

2020-11-25 09:00

26岁女团BINGO成员卡文（Carman、关嘉敏），最近参加《全民造星III》而人气急升，她坦承参赛为提升知名度，证明自己实力，仲话希望30岁前做到成绩，但不限于做歌手，更想向全能艺人进发，「我会keep住继续跳舞唱歌嘅，但系我自己想向演员进发先，因为作为演员如果识跳舞唱歌会加分，但系你系一个跳唱组合你唔识演戏，即系作为一个艺人你做唔到全能。我都想向电影方面发展嘅，希望做到演员啦！我希望30岁嘅前，可以参与几部嘅电影，其中一套系女主角我已经好开心。」

讲到奋斗目标，卡文首选已蜚声国际的动作女星杨紫琼，「我有跟冼灏英师父学功夫，虽然我阿妈唔系太锺意我打功夫，因为成日整到周身伤晒，同埋怕会好粗鲁冇男仔锺意，吓走晒啲男仔！成日都叫我唔好打，但系我觉得杨紫琼就系散发出另外一种女性嘅魅力，就系因为武打，我做演员都系想向武打方面发展，因为我知道香港比较少出武打女星，上一个可能就系杨柳青，我都想做新一代嘅打女！」

至于卡文早前演出KB（李健宏）的网上灵探节目《又要睇又要惊》，当中强奸戏有性感演出，更被对方封为「新一代鬼后」，她就认为不介意重口味的性感演出，但不能接受露点，「首先要睇吓咩演出同埋咩故仔，对于畀人强奸咁重口味嘅性感，我觉得系OK嘅，好少演员可以接触到强奸戏。不过，露点就唔得，但露背都OK嘅，pat pat就唔好啦！意识上大胆可以嘅，我比较锺意啲重口味嘅嘢，所以我都想再试吓啲变态啲，或者血腥啲恐布啲都可以。」卡文更笑言几锺意「鬼后」这个称号，「畀KB讲讲吓，都觉得自己有几分似鬼嘅，咁就唔嘥咗，况且鬼通常都系靓，鬼火咁靓嘛！」