【独家】行超市买好多厕纸 Joey Tang拣完红酒老婆唔畀买

2020-11-24 20:27

呢期邓建明(Joey)出镜率好高，一星期见足五日，因为佢同郭伟亮（Eric Kwok）及卓韵芝齐担任ViuTV选秀真人骚《全民造星III》评判，下个月又要帮太极队友雷有辉音乐会做bandleader，虽然好忙，但仍然有时间陪老婆行超市，仲出力拎厕纸，好帮得手。
采访:谭壹致

因为做《全民造星III》评判先知道Joey份人原来都几好，见到啲骑喱参赛者，或者睇到好恐怖嘅表演都唔会好毒舌，又唔会直率地叫人「唔好啦」，最多叫佢哋努力啲或者未合符标准，仲会鼓励有歌艺冇样嘅参赛者去做和音，一样可以闯出一片天，听嘅舒服，几好吖。

好听老婆话
日前夜晚7点半，着住超人tee加短裤嘅Joey同老婆去咗又一城行超市，一家之主负责推住手推车，两公婆先去买厕纸，前后三卷，再加购两条盒装纸巾，全部同牌子，个仔去咗澳洲读书，呢堆嘢两公婆应该有排用。行行下两公婆分开咗，Joey企喺红酒柜前系咁睇，睇睇吓啱水心就放两支去购物车，之后老婆会合返佢见到架车有酒即刻放返喺架，咦，Joey系咪平时饮太多呀?