上山下海做导游拍宣传片　卫诗雅勾起童年回忆

卫诗雅（Michelle）日前为昂坪360拍摄宣传短片，拥有领队牌的她客串做导游，为大家逐一介绍兼深度游，「以前有去过昂坪360，但上次太多人搭唔到水晶缆车，今次因为拍摄关系安排咗架水晶缆车，成架透明好似企咗喺天上面。今次拍摄去嘅地方虽然我之前都去过，但今次系深度游，深入咁体验唔同嘅活动同风景。」

这次拍摄要上山下海，虽然辛苦，但向来超级喜爱郊外活动的Michelle坦言很开心，「有一part系出海去睇中华白海豚，因为我好锺意海、好锺意动物，所以嗰一part系我最期待，虽然睇唔到，但同小朋友一齐喺船上摺纸船，都觉得好开心。」拍摄其间，勾起了她的童年回忆，「我记得细个时最锺意嘅活动系爸爸带我哋上山放风筝，而家嘅活动变咗落海，今次拍摄两样都做到，所以好开心。同埋始终香港地方比较繁荣，去到郊外可以放慢脚步，可以静静哋谂嘢。」



在众多景点中，Michelle最喜欢「心经简林」，「最深刻系嗰个位有好多心经，系一樽樽、好大嘅石。嗰个位系落咗车之后，要再行一段山路先入到去，入到去个感觉系好似离开咗香港，又或者去咗第二个时空，你会觉得成个人好平静。如果有机会我会去多一次呢个地方，嗰个位系我最锺意。」