【独家】拍MV搞喊陈凯咏 顾定轩挑战《全民造星3》

环球歌手陈凯咏（Jace）继四台(港台、商台、新城、VIU TV Chill Club) 流行榜冠军歌《天生二品》后，近日推出第二首派台新歌《隔离》，讲述被另一半「隔离」、中断联系的情感，仲搵嚟老友顾定轩拍MV演她的伴侣。刚26岁生日嘅顾定轩事业起飞，眼见Jace唱歌唱得咁过瘾，都参加《全民造星3》玩吓，问到系咪踩埋入歌坛，同Jace争饭食时，他大笑说：「系百花齐放。」采访：方骞平

陈凯咏自爆拍MV时被顾定轩整喊，好鬼惨：「我哋几年前喺工作认识，一见如故就熟络咗，称兄道弟咁，但未见过佢对我咁冷漠，加上听住首歌代入歌词，好多问号兼有愤恨，好可怜，感觉系好复杂，经历伤心及愤怒嘅真喊。」顾定轩大赞陈凯咏情感好丰富，演戏好专业。
　　

顾定轩同陈凯咏好夹，除咗互相欣赏对方真性情外，亦有共同兴趣，都系锺意唱歌及锺意睇搞笑片《非常小特务》，顾定轩说：「最好将来一齐合作拍一套特务笑片，片中又系姊弟，一齐去冒险，应该开心好玩。」提到《麦路人》，陈凯咏表示一定会捧顾定轩场，轩仔话：「拍呢套戏认识咗好多人，令我成长咗好多，教我去爱，珍惜身边人。」Jace见证老友拍片过程：「最难忘佢嗰时好有压力，好忙，因为好专注工作个人都瘦咗，冇平时咁开朗，所以我一直唔敢打扰佢。」轩仔坦承：「未试过每日同资深演员合作，同埋对我嚟讲系个重要角色，希望观众睇到好唔同嘅自己。」

至于参加《全民造星3》，陈凯咏对他好有信心，只希望他能好好enjoy过程玩得开心！尽量放松休息多啲！问她可担心会争饭食？陈凯咏即否定说：「边有得争，一个男一个女，碗饭一齐食好过！」顾定轩同意：「系百花齐放嘛，我本身锺意音乐，唱歌真系要睇缘份罗，要一步步，希望嚟紧真系有音乐。」