首任电影策划超紧张　卫诗雅为悭钱变「计数人」

卫诗雅（Michelle）早前为代言饮品到酒店，享受产品联乘餐厅及酒廊推出的下午茶，她表示一直都有自制蜂蜜水的习惯：「除咗因为对身体好，饮嘅时候成个人嘅心情都会开心啲。」说到饮水习惯，Michelle自言每日最少饮8杯水，早上起床时必定先饮一大杯水，因为感觉像把整晚积聚在身体内嘅废物冲走。她更透露每当拍电影前及拍摄期间，饮水量比平日更多，「因为我发现饮得多水，皮肤状态会好好多，亦都容易上妆啲。」

谈到刚完成一部电影拍摄，如无意外于贺岁片档期上画，首次担任电影策划的Michelle坦言非常紧张，亦了解到各个岗位的难处，「之前做演员我净系谂演员嘅情绪系最紧要，做演员我真系会想拍咗一场笑嘅戏，之后拍喊嘅戏，但其实好多时候因为要迁就景嘅问题，而家拍咗呢个景先，咁我就唔使再走多次景，呢度应该会悭番好多钱，变咗一个计数嘅人。我理解到其他岗位嘅人嘅难处，我觉得呢一样嘢对我第时演戏都有帮助，同埋会顾虑埋人哋嘅感受多啲。」

除此之外，她又正在筹备另一部电影的拍摄工作，「呢部电影系三、四年前已经开始筹备，所以呢部电影我又系好紧张。我哋嘅剧本改咗好多次，同导演一路倾，一路会有更新更好嘅idea加落去。加上呢部电影比较沉重，所以我预备嘅时间就更加长，同埋事前做嘅功课亦都比较多。」