【BB嬲嬲猪】抄吴千语关智斌滑水片 卫诗雅获网民力撑：你正好多
2020-10-07 13:00 
向来热爱游水嘅卫诗雅(Michelle)昨日公布喜讯，话她的社交平台已成功有10万订阅，故决定发放福利，除咗放白色泳衣相外，她仲上载多条滑水片，留言：「好多谢大家支持，我终于过咗10万订阅啦，上次IG收集完大家意见，最多人想我做嘅其中一项系着泳衣，咁无理由净系着泳衣㗎嘛～反正我都好耐无出海喇，一于拍个双Wakesurf 啦！」
条片相当有创意，卫诗雅搵埋老友陈家乐Wakesurf ，但就照抄早前吴千语同关智斌嘅滑水片，影片由背面开始，两人一举一动都抄到足，连泳衣都有两套，仲将两条片同一角度拼埋一齐，相当好笑，连关智斌都忍唔住留言话「笑死人系列」。对比之下，Michelle明显比吴千语冇咁进取，泳衣也保守得多，高叉、低胸欠奉，包到密密实实。不过，网民却力撑Michelle和家乐呢一对，留言：「笑死！」、「好波好波！」、「咁陈家乐靓仔好多」、「你正好多」、「我认真想你同家乐一齐，你靓、乖、纯！好过MK女罗！」原意只系have fun，但吴千语睇完留言，唔知会唔会嬲嬲猪呢？
關鍵字
最新回应