沙丽送特制「蛋糕」林德信搞西式生日会贺阿Lam73岁牛一

2020-10-13 09:30

昨天系林子祥（阿Lam）73岁牛一，孝顺仔林德信（Alex）喺社交网贴咗张只有7个月大时，被阿Lam抱住嘅合照，写道：「Happy birthday @lamusique_lamusic !!!oh this is me 7 months old!」相中著住工人裤嘅Alex，扭计喊样相当可爱。

Alex曾透露喺疫情下会留家食饭庆祝阿Lam生日，并爆对方想吃汉堡包，而他更顺道为后母、上月30日59岁生日的叶蒨文（沙丽）补祝。昨天林德信喺社交平台贴出阿Lam生日会相，林德信安排咗生日汉堡包、薯条、洋葱圈、生蕃茄、橙、沙律等，一枱西餐去满足寿星公要求。最搞笑生日「蛋糕」系用士多啤梨加忌廉及四个雪糕球砌成，上面插有蜡烛，原来沙丽系应寿星公要求，沙丽更叫阿Lam吹蜡烛许愿，阿Lam就好似小朋友咁，惊喜地做手势，用刀叉嚟享受「蛋糕」。