八号风球前约埋夜跑 49岁江美仪晒美腿强撼蛇腰唐诗咏

2020-10-13 11:00

今晨改发八号风球，台风浪卡袭港，49岁嘅江美仪趁昨晚未打八号风球，相约「跑脚」唐诗咏喺海傍夜跑。一度加入过跑步行列嘅黄翠如，因为老公有约，当然重色轻友唔见人啦，不过，就算得返江美仪同唐诗咏都不愁寂寞，两人边跑边欣赏香港夜景，仲停低影吓夜景靓相，好正。

相中诗咏跑到出晒汗，要除低外套，透过运动top露出蛇腰，而她开心笑晒口，喺香港夜色前展示胜利手势。至于江美仪都唔弱，她以超短运动裤上阵，展示白滑美腿，身形真系唔逊于后生女！

江美仪留言：「第一次夜跑，估唔到系八号风球前风平浪静嘅夜晚，可惜只脚未完全康复，咁慢慢跑都正嘅！#江美仪 #江美人 #好好善待自己 #我要运动我要健康 #诗咏条橙色裤系抢眼嘅 #第一次首集著短裤跑！」唐诗咏留言回敬江美仪系「美人」，网民就大赞江美仪条腿靓到呢！又话《使徒3》就见到你啦！好开心！」