被盗用照片开假帐户留言闹爆吴业坤 黎瑞恩：非常可耻
2020-10-13 19:46 
黎瑞恩(小恩子)喺社交网站公开一名男子嘅相片，透露自己遭对方网上冒认，该男子更利用她相片开假Account，现身伍仲衡直播音乐会中攻击吴业坤，公司正严肃处理事件，黎瑞恩形容系作出唯恐天下不乱，非常可耻嘅破坏行为。而她接受头条访问时强调自己绝对冇嬲。「我一啲都唔嬲，我又唔识佢，都唔知佢嬲乜！从呢件事启发到，天网恢恢、疏而不漏，唔好做不法行为。」
小恩子发文公开嫌疑人相说：「借问声我同你系咪有十怨九仇呢？𠵱家科技好发达㗎！你嘅无聊到极嘅行为已经火速畀人起咗你个底！咪以为匿喺背后做埋呢啲鬼祟嘢就神不知鬼不觉，用人哋嘅照片做埋呢啲不法事，系触犯刑事法例㗎！咁得闲咁无聊建议你倒不如去做吓善事啦！帮吓有需要嘅贫苦大众，做吓对社会有意义嘅事，亦可以睇吓书，开启吓智慧，唔好再做Stupid Guy啦！放下怨气，回头是岸呀！施主。其后她又再补充说：「如果我闹人都唔会自己摆个样出嚟啦，死蠢。」
關鍵字
最新回应