回复自由身努力造人 林师杰恨同欧阳巧莹升呢做父母
2020-10-14 10:00 
林师杰早前宣布回复自由身，日前他接受香港开电视主播马梓轩专访，分享转型为独立音乐人的苦与乐。他更坦言渴望成为人父，「我好想生个女呀！想咗几年啦！之前新闻都传过两次我太太欧阳巧莹怀孕，但都仲未生到，哈哈！其实造人方面一直计划紧，个计划从来冇停过。不过现时工作上样样嘢都要一脚踢，的确少咗时间陪太太。」
早前推出新歌《尊悲不分》的林师杰，表示歌曲早于5年前已写好，用以记录自己的心情和无力感，但当时未有机会推出，「当时我有将首歌畀旧公司听，但原来我要起码写200首歌，先可能被拣中一首。好多人问我点解要坚持做音乐，对我嚟讲其实好简单，因为我冇得拣，呢样系我嘅生计。而呢首歌正系表达自己嘅心情，话畀大家知我当时心情有几咁沉重！」纵使林师杰在旧公司期间有沮丧的时候，但亦有不少开心难忘的回忆，他笑言：「我结婚嗰日系over咗6围枱，全部都系幕前幕后同事！我本身系一个半红不黑嘅艺人，亦都唔系做紧啲咩好劲嘅project令大家要畀面我出席，咁我相信啲人真系锺意我嘅！」
關鍵字
最新回应