【独家】多得师父林家栋做推手 雷深如新歌展露狂嘢一面
2020-09-05 01:34 
雷深如（J.Arie）转型独立歌手后，最近推出首支单曲《双面哈菲》，虽然她早在年头已完成制作，可惜遇着新冠肺炎令计划一波三折，但同时亦令她学懂不少。讲到新歌，J.Arie形容是出道以来最贴近自己作品，更自爆多得师父林家栋做幕后推手，令她可以好似歌名的「哈菲」一样，够胆展露狂嘢另一面。采访：杜淑霞 发型：Bowie Lo 化妆：Jessica Chan 服装：D-mop 场地：Pier 1929 @ Wan Chai Ferry Pier
J.Arie早在3月已计划好推出《双面哈菲》，但遇上疫情被迫延迟推出，「点知准备好出街，又撞正帮我宣传嘅佳哥确诊咗新冠肺炎，但派台嘅时间安排好改唔到，唯有硬住头皮亲自安排访问嗰啲宣传工作，虽然一波三折咁多困难，但系可以当上咗宝贵一课，𠵱家自己都学识咗安排访问啦！」
MV亲自构思
其实认识J.Arie都知她性格开朗活泼，甚至有狂嘢一面，绝非入行时的文青感觉，她形容这歌是入行8年来最贴近性格作品。至于用上《蝙蝠侠》内的「哈菲」（Harvey Dent）做主题，只因跟她一样都是双面人，「要多谢师父林家栋，我每次出新歌都畀佢听，佢都话嗰个唔系我嚟，鼓励我做番自己，于是我旧年决定将自己咁多年嚟嘅真实感觉写晒出嚟，我作好咗呢首歌后，就畀填词人林宝睇呢本日记，结果佢用咗Harvey Dent做主题，因为佢觉得同我好似一样有两面。其实我咁多年嚟面对外面嘅人，会习惯攞好嘅一面畀人睇，自己有时都好讨厌呢个自己。」今次她连MV也亲自构思，「里面好多自毁嘅画面，其实几疯狂，但好配合首歌，都预咗好多平台会禁播，但唔想改动去迁就，宁愿剪多个洁净版。」
最新回应